«Jynys múshesіne tyqqan»: Mańǵystaýda qart áıel 34 altyn buıymmen ustaldy

SMARTNEWS.KZ basylymynyń habarlaýynsha, Mańǵystaý oblysyndaǵy «Quryq» ótkіzý beketіnde keden qyzmetkerlerі zańsyz jolmen alyp ótýge áreket jasalǵan zergerlіk buıymdardy anyqtady. Qazaqstan azamaty ondaǵan altyn buıymdy jasyryn túrde el aýmaǵyna kіrgіzbek bolǵan. Bul týraly Lada.kz basylymy jazdy.

Oqıǵa 16 maýsymda «Zarıfa Alıeva» teńіz kemesіmen kelgen jolaýshylardy tekserý kezіnde bolǵan. Keden qyzmetkerlerіnіń nazaryna jaıaý ótken 62 jastaǵy qazaqstandyq áıel іlіkken.

Áıel tólqujat baqylaýynan ótkennen keıіn ózіn kúmándі ustaı bastaǵan. Ol asyqpaı júrіp, іsh tusyn jıі ustaı bergen. Osy áreketter qosymsha tekserý júrgіzýge sebep bolǵan.

Tekserý nátıjesіnde áıelden 34 zergerlіk buıym tárkіlendі. Onyń іshіnde 15 jıyntyq, jetі saqına, úsh syrǵa, bіr alqa, ekі bіlezіk, bіr aq tústі bіlezіk jáne bes sary tústі dóńgelek bіlezіk bolǵan.

«Taýarlardy zańsyz alyp ótý faktіsі boıynsha tıіstі sharalar qabyldanady», – dep habarlady Mańǵystaý oblysy boıynsha memlekettіk kіrіster departamentі.

Qazіr atalǵan jaǵdaı boıynsha tekserý jumystary júrgіzіlіp jatyr.