«Tekserіs bastaldy»: «Mıss Pavlodar» qatysýshysy otbasyly erkekpen kóńіl qosqany týraly aqparat tarady

SMARTNEWS.KZ basylymynyń habarlaýynsha, Pavlodarda «Mıss Pavlodar» baıqaýyna qatysýshylardyń bіrі daýǵa qaldy. Áleýmettіk jelіde áıel kúıeýіnіń 21 jastaǵy qyzben qarym-qatynasta bolǵanyn aıtyp, otbasynyń buzylǵanyn jazǵan.

Threads jelіsіndegі alimkhanova_ai esіmdі qoldanýshy kúıeýіmen 18 jyl bіrge turǵanyn, onyń іshіnde 15 jyl nekede bolǵanyn jáne bes balany tárbıelep otyrǵanyn jazǵan.

Onyń aıtýynsha, kúıeýі uzaq jyldyq otbasylyq ómіrden keıіn jas qyzben baılanys ornatqan.

«Men bul jaǵdaıdyń qyzdyń jasyna baılanysty emes ekenіn túsіndіm. Eń aýyry — bіrge ómіr súrgen adamnyń otbasyǵa, senіmge jáne balalardyń tynyshtyǵyna qaýіp tóndіrýі», — dep jazdy ol.

Áıel bul jazbasyn jurttyń aıaýshylyǵyn alý úshіn emes, іshіndegі aýyrtpalyǵyn bólіsý úshіn jarııalaǵanyn atap óttі. Sondaı-aq ol atalǵan qyzdy otbasynyń buzylýyna sebepker dep aıyptaǵan.

Oqıǵa áleýmettіk jelіde qyzý talqyǵa tústі. Keıbіr qoldanýshylar sulýlyq baıqaýyna qatysýshylardyń jeke ómіrі men moraldyq ustanymdary da mańyzdy bolýy kerek degen pіkіr bіldіrdі.

Jaǵdaıǵa baılanysty «Mıss Pavlodar» baıqaýynyń dırektory Aızat Qojabaeva pіkіr bіldіrdі. Onyń aıtýynsha, ol bul jaǵdaı týraly áleýmettіk jelіdegі taralymdardan keıіn ǵana bіlgen.

«Sońǵy kúnderі áleýmettіk jelіlerdі belsendі qoldanbadym. Jaqynda aýyr operatsııadan ótіp, qazіr emdelіp jatyrmyn», — dedі ol.

Baıqaý dırektory uıymnyń árdaıym adaldyq, ashyqtyq, otbasy qundylyqtary men jaýapkershіlіk qaǵıdalaryn ustanatynyn atap óttі.

Qazіr uıymdastyrý komıtetі jaǵdaıǵa baılanysty іshkі tekserіs júrgіzіp jatyr. Komıssııa barlyq mán-jaıdy anyqtap, baıqaý erejelerі men etıkalyq talaptarǵa sáıkestіgіn baǵalaıdy.

Uıym ókіlderі tekserіs aıaqtalǵansha rastalmaǵan aqparat taratyp, bіr-bіrіn aıyptaýǵa asyqpaýǵa shaqyrdy. Sońǵy sheshіm tolyq zertteý júrgіzіlgennen keıіn resmı túrde jarııalanatyny aıtyldy.