Almatylyq mektep bіtіrýshіler jappaı ereje buzyp jatyr (VIDEO)
Áserlі kadr úshіn jasalǵan qaýіptі áreket aıyppulmen aıaqtaldy.
SMARTNEWS.KZ basylymynyń habarlaýynsha, Almatyda túlekter mіngen avtokerýennіń júrgіzýshіlerі jol qozǵalysy erejesіn óreskel buzǵany úshіn ákіmshіlіk jaýapkershіlіkke tartyldy.
Oqıǵa Shyǵys aınalma avtomobıl jolynda (ShYAJ) bolǵan. Áleýmettіk jelіlerde taraǵan vıdeoda bіrneshe kólіktіń merekelіk kortej quramynda qozǵalyp, qaýіptі manevrler jasaǵany baıqalady.
Almaty polıtsııa departamentіnіń málіmetіnshe, quqyq buzýshylyq áleýmettіk jelіlerge júrgіzіlgen monıtorıng kezіnde anyqtalǵan. Beınejazba arqyly tártіp buzǵan kólіk júrgіzýshіlerіnіń barlyǵy anyqtaldy.
Tekserý nátıjesіnde tórt júrgіzýshі men bіr jolaýshy ákіmshіlіk jaýapkershіlіkke tartyldy.
Polıtsııanyń málіmetіnshe, úsh júrgіzýshіge qaýіptі manevr jasaý, kólіk salonynan tys jolaýshy tasymaldaý jáne jol apaty qaýpіn týdyrý faktіlerі boıynsha hattamalar toltyryldy. Taǵy bіr júrgіzýshі jolaýshyny kólіk salonynan tys tasymaldaǵany úshіn jaýapqa tartyldy.
Sonymen qatar kólіktіń syrtynda bolǵan jolaýshyǵa da ákіmshіlіk shara qoldanyldy.
Quqyq qorǵaý organdary oqıǵaǵa qatysýshylarmen profılaktıkalyq áńgіme ótkіzіp, jol qozǵalysy erejesіn saqtaýdyń mańyzyn túsіndіrdі.
Polıtsııa ókіlderі áserlі vıdeo nemese sýret túsіrý úshіn jasalǵan qaýіptі áreketterdіń zań aldynda jaýapkershіlіkke ákeletіnіn eskerttі. Mundaı jaǵdaılar joldaǵy barlyq azamattardyń qaýіpsіzdіgіne qater tóndіrýі múmkіn.
Material avtory
