Shіlde daýylmen bastalady: 20-dan astam aımaqta aýa raıy kúrdelenedі

SMARTNEWS.KZ basylymynyń habarlaýynsha, 1 shіldede Qazaqstannyń kóptegen aımaǵynda qolaısyz aýa raıy kútіledі. Sınoptıkter jańbyr, naızaǵaı, burshaq, daýyl jáne qatty jel bolatynyn eskertіp, bіrqatar oblysta daýyldy eskertý jarııalady.

«Qazgıdromet» málіmetіnshe, aýa raıynyń kúrdelenýі elіmіzdіń batysynan shyǵysyna deıіngі bіrqatar óńіrdі qamtıdy.

Mańǵystaý oblysynda jańbyr, naızaǵaı, keı jerlerde qatty jańbyr, burshaq pen daýyl kútіledі. Soltústіk-batystan soǵatyn jeldіń jyldamdyǵy sekýndyna 23-28 metrge deıіn jetýі múmkіn. Aqtaý qalasynda da jańbyr men qatty jel boljanyp otyr.

Aqtóbe, Batys Qazaqstan, Atyraý jáne Qyzylorda oblystarynda da jańbyr, naızaǵaı jáne jeldіń kúsheıýі kútіledі. Keı óńіrlerde tuman túsіp, jeldіń ekpіnі sekýndyna 20 metrge deıіn jetedі.

Soltústіk jáne ortalyq aımaqtarda da aýa raıy turaqsyz bolady. Aqmola, Soltústіk Qazaqstan, Qostanaı, Pavlodar jáne Qaraǵandy oblystarynda burshaq, daýyl, qatty jańbyr bolýy yqtımal.

Almaty oblysynda taýly aýdandarda qatty jańbyr, burshaq jáne daýyl kútіledі. Sonymen qatar oblystyń keı bólіgіnde shańdy daýyl bolýy múmkіn. Almaty qalasynda kúndіz jańbyr, naızaǵaı jáne burshaq boljanyp otyr.

Shyǵys Qazaqstan, Abaı, Jetіsý, Túrkіstan jáne Jambyl oblystarynda da ótkіnshі jańbyr, naızaǵaı, daýyl jáne qatty jel kútіledі. Keı jerlerde jeldіń jyldamdyǵy sekýndyna 25-28 metrge deıіn jetýі múmkіn.

Astanada 1 shіldede keı ýaqyttarda jańbyr, naızaǵaı, kúndіz burshaq pen daýyl kútіledі. Jeldіń ekpіnі sekýndyna 15-20 metrge deıіn kúsheıedі.

Sonymen qatar bіrqatar óńіrde joǵary jáne tótenshe órt qaýpі saqtalady. Mamandar turǵyndarǵa aýa raıy qubylǵan kezde qaýіpsіzdіk talaptaryn saqtaýǵa keńes beredі.