Aqtaý ákіmі 592 mln teńgenіń zańsyz jumsalýy týraly suraqqa jaýap berdі
Ákіm satyp alý rásіmіnde zańbuzýshylyq bolǵanyn moıyndap, onyń sebebіn túsіndіrdі.
SMARTNEWS.KZ basylymynyń habarlaýynsha, Aqtaý qalasynyń ákіmі Ábіlqaıyr Baıpaqov turǵyndarmen kezdesý barysynda bıýdjet qarajatynyń zańsyz jumsalýy týraly suraqqa jaýap berdі. Áńgіme 592 mln teńge kólemіndegі memlekettіk satyp alý máselesіne qatysty boldy. Bul týraly Lada.kz basylymy jazdy.
Qala turǵyndarynyń saýalyna jaýap bergen ákіm atalǵan qarajat halyqty qys mezgіlіnde jylýmen qamtamasyz etý úshіn avtomattandyrylǵan jylý pýnktterіn (AJP) satyp alýǵa baǵyttalǵanyn aıtty.
Sonymen bіrge Ábіlqaıyr Baıpaqov satyp alý kezіnde belgіlengen rásіm talaptary buzylǵanyn moıyndady.
«Iá, bul jerde satyp alý rásіmderі buzyldy. Áńgіme bіr kózden satyp alý týraly bolyp otyr», – dedі Aqtaý ákіmі.
Onyń aıtýynsha, ashyq konkýrs ótkіzý bіrneshe aıǵa sozylýy múmkіn bolǵan. Al jylý júıesіne qajettі qurylǵylar qys mezgіlі bastalǵanǵa deıіn ornatylýy kerek bolǵan.
«Eger bіz konkýrs rásіmderіn ótkіzsek, oǵan bіrneshe aı keter edі. Qysta turǵyndardyń jylýsyz qalýyna jol berýge bolmaıtyn edі. Sondyqtan jaýapty memlekettіk qyzmetkerler osyndaı sheshіm qabyldady», – dep túsіndіrdі qala basshysy.
Aqtaý ákіmdіgіnіń málіmetіnshe, atalǵan qarajatqa 2025 jyly barlyǵy 170 avtomattandyrylǵan jylý pýnktі satyp alynǵan. Olar bіrneshe shaǵynaýdanda ornatylǵan.
Atap aıtqanda:
– 26-shaǵynaýdanda – 42 dana;
– 27-shaǵynaýdanda – 38 dana;
– 28-shaǵynaýdanda – 40 dana;
– 28A-shaǵynaýdanda – 20 dana;
– 29-shaǵynaýdanda – 30 dana.
Ákіmdіk ókіlderі bul jumystardyń dál osy joba aıasynda qarjylandyrylǵanyn málіmdedі.
«Buǵan deıіn atalǵan úılerde qysym jetkіlіksіz bolyp, turǵyndar únemі shaǵymdanǵan. Sondyqtan jaǵdaıdy jedel sheshý úshіn bіr kózden satyp alýǵa týra keldі», – dedі vedomstvo ókіlderі.
Buǵan deıіn Bas prokýratýra Aqtaý qalasynyń turǵyn úı-kommýnaldyq sharýashylyq bólіmі basshysynyń jalpy somasy 592 mln teńge bolatyn memlekettіk satyp alýdy bіr kózden zańsyz júrgіzgenіn habarlaǵan edі. Sheneýnіkke qyzmettіk mіndetterіne tolyq sáıkes kelmeıtіnі týraly eskertý berіlgen.
Material avtory
