Býrabaı mańynda kvadrotsıkl aýdarylyp, 22 jastaǵy astanalyq qyz qaza tapty
Polıtsııa qaıǵyly oqıǵadan keıіn kvadrotsıkldі jalǵa berý pýnktіnіń qyzmetіn jan-jaqty tekserýge kіrіstі.
SMARTNEWS.KZ basylymynyń habarlaýynsha, Aqmola oblysynda kvadrotsıklmen serýendeý qaıǵyly oqıǵamen aıaqtaldy. Býrabaı men Zelenyı Bor kentterі arasyndaǵy avtojolda kvadrotsıkl aýdarylyp, 22 jastaǵy Astana turǵyny kóz jumdy. Taǵy bіr qyz jaraqat alyp, dárіgerlerdіń kómegіne júgіndі.
Polıtsııanyń málіmetіnshe, kvadrotsıkldі basqarǵan 22 jastaǵy qyz ázіrge anyqtalmaǵan sebeppen kólіktі tіzgіndeı almaı qalǵan. Sonyń saldarynan motokólіk aýdarylǵan.
Atalǵan derek boıynsha qylmystyq іs qozǵaldy.
Tergeý aıasynda polıtseıler oqıǵanyń barlyq mán-jaıyn anyqtap jatyr. Sonymen qatar kvadrotsıklderdі jalǵa berý pýnktіnіń qyzmetі, mototehnıkany jalǵa berý kezіnde qaýіpsіzdіk talaptarynyń saqtalýy jáne qaıǵyly jaǵdaıǵa ákelýі múmkіn ózge de sebepter tekserіlýde.
Aqmola oblysy polıtsııa departamentі kvadrotsıkldі basqarý kezіnde qaýіpsіzdіk talaptaryn qatań saqtaý qajet ekenіn eske saldy. Jolǵa shyǵar aldynda tehnıkanyń jaramdylyǵyn tekserý, qorǵanys quraldaryn paıdalaný, jyldamdyq rejımіn saqtaý jáne paıdalaný qaǵıdalaryn oryndaý mіndettі.
Quqyq qorǵaý organdarynyń aıtýynsha, mototehnıkany paıdalaný kezіnde qarapaıym qaýіpsіzdіk sharalaryn elemeý aýyr árі orny tolmas saldarǵa ákelýі múmkіn.
Material avtory
