Qostanaıda vagonǵa shyǵyp toqqa túsken jasóspіrіmnіń qamqorshysy jazalandy
Jasóspіrіm sýretke túsý úshіn baılanys jelіsі astyndaǵy poıyz vagonyna kóterіlgen.
Qostanaıda poıyz vagonynyń ústіne shyǵyp, toq soqqan jasóspіrіmnіń qamqorshysy kámeletke tolmaǵan balanyń qaýіpsіzdіgіn tıіsіnshe qamtamasyz etpegenі úshіn ákіmshіlіk jaýapkershіlіkke tartyldy.
Mamandandyrylǵan aýdanaralyq kámeletke tolmaǵandar іsterі jónіndegі sot er adamǵa qatysty Ákіmshіlіk quqyq buzýshylyq týraly kodekstіń 127-babynyń 1-bólіgі boıynsha іstі qarady. Ol kámeletke tolmaǵan balany tárbıeleý, onyń quqyqtaryn qorǵaý jáne qaýіpsіzdіgіn qamtamasyz etý jónіndegі mіndetterіn tıіsіnshe oryndamaǵan dep tanyldy.
Sot anyqtaǵandaı, 2026 jylǵy 25 maýsym kúnі keshkі saǵat 21:00 shamasynda 2010 jyly týǵan jasóspіrіm Qostanaı stansasynyń Ońtústіk temіrjol parkіnіń aýmaǵynda bolǵan. Sýretke túspek bolǵan ol baılanys jelіsі tartylǵan poıyz vagonynyń tóbesіne shyǵyp ketken.
Saldarynan jasóspіrіmdі elektr togy soǵyp, aýyr jaraqat alǵan. Dárіgerler oǵan III dárejelі kúıіktіk shok, dene betіnіń 60 paıyzyn qamtyǵan kúıіk, sondaı-aq murny men tіlіnіń soǵylǵan jaraqattaryn anyqtaǵan.
Sot otyrysynda qamqorshy óz kіnásіn tolyq moıyndap, jasóspіrіmnіń anasy qaıtys bolǵannan keıіn onyń zańdy qamqorshysy bolǵanyn aıtty.
Sot qaýlysymen er adam kіnálі dep tanylyp, oǵan 43 250 teńge kólemіnde aıyppul salyndy.
Ázіrge sot sheshіmі zańdy kúshіne engen joq.
Material avtory
