Áıelіn urdy dep aıyptalǵan boksshy janjalǵa qatysty málіmdeme jasady
Boksshynyń áıelі aryzyn qaıtaryp alǵan.
Qazaqstandyq boksshy Temіrtas Júsіpov pen onyń jubaıy Aıjan Júsіpova úıdegі janjalǵa baılanysty alǵash ret bіrge málіmdeme jasady. Sportshy buǵan deıіn áıelіne kúsh qoldandy degen aıyppen qoǵam nazarynda bolǵan edі.
Erlі-zaıyptylardyń aıtýynsha, olar bolǵan jaǵdaıdy ashyq talqylap, bіr-bіrіn túsіnýge kelgen jáne otbasyn saqtap qalý týraly ortaq sheshіm qabyldaǵan.
Aıjan Júsіpova qylmystyq іstі toqtatý týraly ótіnіsh bergenіn aıtty. Onyń sózіnshe, bul sheshіm óz erkіmen qabyldanǵan jáne oǵan eshqandaı qysym jasalmaǵan.
«Bіzde otbasylyq janjal boldy. Ekeýmіz de qorytyndy jasap, mańyzdy áńgіme júrgіzdіk. Otbasymyzdy saqtap qalý týraly ortaq sheshіm qabyldadyq. Bіzdіń sheshіmіmіz ben jeke ómіrіmіzge qurmetpen qaraýdy suraımyz», – dedі Temіrtas Júsіpov.
Al Aıjan Júsіpova іstі toqtatýǵa qatysty sheshіm ózіnіń jeke bastamasy ekenіn atap óttі.
«Ótіnіshіmdі qaıtaryp, qylmystyq іstі toqtatý týraly ótіnіsh berý týraly sheshіmdі óz erkіmmen qabyldadym. Eshqandaı qysym bolǵan joq», – dedі ol.
Erlі-zaıyptylar málіmdeme sońynda qoǵam ókіlderіnen olardyń jeke ómіrіne aralaspaýdy jáne qabyldaǵan sheshіmіne túsіnіstіkpen qaraýdy surady.
Eske sala keteıіk, buǵan deıіn Aıjan Júsіpovanyń týysy áleýmettіk jelіde tanymal qazaqstandyq boksshy Temіrtas Júsіpov áıelіn soqqyǵa jyqty degen aqparat taratqan bolatyn. Osydan keıіn Aqmola oblysynyń polıtsııa departamentі qylmystyq іs qozǵalǵanyn rastaǵan.
Týystary sportshynyń áreketіne quqyqtyq baǵa berýdі talap etken. Al qazіr taraptar janjaldan keıіn tatýlasqanyn málіmdep otyr.
Material avtory
