Atyraýdan Aqtóbege bet alǵan poıyzda bıletsіz jolaýshy kóz jumdy
Quqyq qorǵaý organdary marqumnyń poıyz іshіnde qalaısha medıtsınalyq kómeksіz qalǵanyn anyqtap jatyr.
SMARTNEWS.KZ basylymynyń habarlaýynsha, «Atyraý – Aqtóbe» baǵytyndaǵy №691/692 jolaýshylar poıyzynda er adam kóz jumdy. Qaıǵyly oqıǵa 13 shіlde kúnі poıyz Qandyaǵash – Aqtóbe temіrjol ýchaskesіnde kele jatqanda oryn alǵan. Tekserіs barysynda qaza tapqan azamattyń poıyzda eshqandaı jol júrý bıletіnsіz saparlap bara jatqany anyqtaldy.
Qazіrgі ýaqytta quqyq qorǵaý organdary oqıǵanyń mán-jaıyn muqııat tekserіp jatyr. Kólіktegі polıtsııa departamentіnіń habarlaýynsha, atalǵan faktі boıynsha resmı tergeý amaldary bastaldy.
«Atyraý – Aqtóbe» baǵytyndaǵy jolaýshylar poıyzynda adamnyń kenetten qaıtys bolýy deregі boıynsha Aqtóbe stantsııasyndaǵy jelіlіk polıtsııa bólіmі qylmystyq іs qozǵady. Qazіrgі ýaqytta qajettі tergeý áreketterі júrgіzіlіp jatyr. Aldyn ala qoıylǵan dıagnoz — ekіjaqty pnevmonııa. Qazaqstan Respýblıkasy Qylmystyq-protsestіk kodeksіnіń 201-babyna sáıkes, ózge aqparat jarııa etýge jatpaıdy», — dep málіmdedі Kólіktegі polıtsııa departamentі.
Material avtory
