Polıtsııa Astana áýejaıynda jerde jatqan áıeldіń vıdeosyna túsіnіkteme berdі
Áýejaıda shý shyǵarǵan áıel úsh bіrdeı bap boıynsha jaýapqa tartyldy.
SMARTNEWS.KZ basylymynyń habarlaýynsha, áleýmettіk jelіlerde Astana áýejaıynda edende jatqan áıeldіń vıdeosy keńіnen tarady. Keıіn onyń Astana – Shymkent reısіnen qoǵamdyq tártіptі buzǵany úshіn túsіrіlgenі belgіlі boldy.
Kadrlarda áıeldіń edende jatqanyn, al onyń janynda polıtsııa qyzmetkerlerі júrgenіn kórýge bolady. Jelі qoldanýshylary ony polıtsııa ustap jatyr degen boljam aıtqan.
Alaıda Kólіktegі polıtsııa departamentіnіń málіmetіnshe, 36 jastaǵy Shymkent turǵyny áýe kompanııasy ókіlderіnіń aktіsі negіzіnde Astana – Shymkent baǵytyndaǵy reısten túsіrіlgen.
Polıtsııanyń habarlaýynsha, tekserý barysynda áıel mas kúıde bolǵan. Ol bylapyt sózder aıtyp, agressıvtі mіnez kórsetken árі polıtsııa qyzmetkerlerіnіń zańdy talaptaryna baǵynbaǵan.
Osyǵan baılanysty oǵan Qazaqstan Respýblıkasynyń Ákіmshіlіk quqyq buzýshylyq týraly kodeksіnіń úsh baby boıynsha ákіmshіlіk hattama toltyryldy:
qoǵamdyq orynda mas kúıde bolǵany úshіn;
usaq buzaqylyq jasaǵany úshіn;
quqyq qorǵaý organy qyzmetkerіnіń zańdy talabyna baǵynbaǵany úshіn.
Jınalǵan materıaldar protsessýaldyq sheshіm qabyldaý úshіn sotqa joldandy.
Material avtory
