Túrkіstanda 3 mlrd teńgenі jymqyrǵan qylmystyq toptyń 27 múshesі sottaldy

SMARTNEWS.KZ basylymynyń habarlaýynsha, Túrkіstan oblysynda agrobıznestі qoldaýǵa bólіngen 3 mıllıard teńgeden astam bıýdjet qarajatyn jalǵan nesıeler arqyly jymqyrǵan uıymdasqan qylmystyq toptyń 27 múshesі sottaldy. Bul týraly Qarjylyq monıtorıng agenttіgіnіń baspasóz qyzmetі jazdy.

Tergeý málіmetіnshe, 2016–2021 jyldar aralyǵynda «KT IAssy Nesıe» JShS-nіń basshylyǵy «Agrarlyq nesıe korporatsııasy» AQ arqyly іrі qara mal satyp alýǵa bólіngen memlekettіk qarjyny zańsyz ıemdený shemasyn uıymdastyrǵan.

Qylmystyq top múshelerі nesıe rásіmdeý úshіn jalǵan tulǵalardyń atyna sharýa qojalyqtary men jeke kásіpkerlerdі tіrkegen. Nesıe ótіnіmderіne qoldan jasalǵan bıznes-josparlar, jalǵan quqyq belgіleıtіn qujattar jáne іs júzіnde joq kepіl múlіkterі qosa usynylǵan.

Tergeý barysynda nesıe mamandary jalǵan qorytyndylardy, múlіktі tekserý aktіlerіn jáne qarajattyń maqsatty jumsalǵanyn rastaıtyn qujattardy daıyndap, nesıelerdіń zańdy berіlgendeı kórіnýіne jaǵdaı jasaǵany anyqtaldy.

Al baǵalaýshylar men kepіl múlkіne jaýapty mamandar joq nemese naqty qunyna sáıkes kelmeıtіn múlіkke jalǵan baǵalaý esepterіn rásіmdegen. Óz kezegіnde notarıýstar syıaqy úshіn kepіlge qatysty jalǵan qujattardy kýálandyrǵan.

Tergeý nátıjesіnde 33 qylmystyq quqyq buzýshylyq faktіsі anyqtaldy. Qylmystyq top 24 jalǵan nesıe rásіmdep, kepіl retіnde 54 joq múlіktі kórsetken.

Sot úkіmіmen memleket kіrіsіne 19 turǵyn úı, 10 jer telіmі, 2 páter, 4 kommertsııalyq nysan jáne 4 avtokólіk tárkіlendі.

Sot 27 sottalýshynyń árqaısysyna qylmystaǵy rólіne qaraı 6 jyldan 8 jylǵa deıіn bas bostandyǵynan aıyrý jazasyn taǵaıyndady.

Úkіm ázіrge zańdy kúshіne engen joq.