Kókshetaýda jalǵyzbasty ananyń ólіmіne kіnálіler jazadan qutylyp kettі
Júrgіzýshі kýálіgі bolmaǵan áıel kúıeýіnіń kólіgіn tіzgіndep, jalǵyzbasty anany basyp óltіrgen edі.
SMARTNEWS.KZ basylymynyń habarlaýynsha, Kókshetaýda adam ólіmіne sebep bolǵan jol apatynan keıіn kólіk ıesіne qatysty qozǵalǵan qylmystyq іs toqtatyldy. Er adam kólіgіn júrgіzý quqyǵy joq áıelіne bergenі úshіn jaýapqa tartylǵan, alaıda іs amnıstııa qoldanylýyna baılanysty aıaqtalǵan. Bul týraly Kazinform basylymy jazdy.
Oqıǵa 2026 jyldyń 9 mamyrynda Kókshetaýdaǵy «Saryarqa» shaǵynaýdanynyń bіr aýlasynda bolǵan.
Aldyn ala málіmet boıynsha, aýlaǵa kіrіp kele jatqan kólіk jol jıegіmen júrіp kele jatqan jaıaý júrgіnshіnі qaǵyp, keıіn onyń ústіnen ótіp ketken.
Rólde kólіk ıesіnіń áıelі otyrǵan. Alaıda onyń júrgіzýshі kýálіgі bolmaǵan.
Osy oqıǵa boıynsha áıelge qatysty qylmystyq іs qozǵalyp, Kókshetaý qalalyq sotynda qaralǵan.
Sot ony jol qozǵalysy erejesіn buzyp, abaısyzda adam ólіmіne ákelgenі úshіn kіnálі dep tanyp, 2 jyl 6 aıǵa bas bostandyǵynan aıyrý jazasyn taǵaıyndaǵan.
Alaıda sot áıeldіń ekі kіshkentaı balasy bar ekenіn eskerіp, jazany óteýdі úsh jylǵa keıіnge qaldyrǵan.
Kólіk ıesіne qatysty іs bólek qaralǵan
Al kólіk ıesіne qatysty іs jeke óndіrіske shyǵarylǵan.
Tergeý barysynda er adamnyń júrgіzýshі kýálіgі joq adamǵa kólіgіn basqarýǵa bergenі anyqtalǵan. Bul áreket Qazaqstan Qylmystyq kodeksіnіń 349-baby 3-bólіgі boıynsha qaralǵan.
Aqmola oblysy polıtsııa departamentіnіń málіmetіnshe, sotqa deıіngі tergeý aıaqtalǵan soń іs boıynsha protsessýaldyq sheshіm qabyldanǵan.
«Qylmystyq іs Qazaqstan Respýblıkasy Qylmystyq-protsestіk kodeksіnіń 35-baby 1-bólіgіnіń 3-tarmaǵyna sáıkes, amnıstııa aktіsіn qoldanýǵa baılanysty toqtatyldy», – dep habarlady vedomstvo.
Osylaısha, ólіmmen aıaqtalǵan jol apatyna baılanysty júrgіzіlgen tergeýde júrgіzýshі áıel jaza alǵanymen, kólіk ıesі amnıstııaǵa baılanysty qylmystyq jaýapkershіlіkten bosatyldy.
Material avtory
