«Kelіsken ózі, qarsy bolǵan otbasy»: Sotta Sherhan Aımahannyń anasy málіmdeme jasady

SMARTNEWS.KZ basylymynyń habarlaýynsha, Shymkentte ótіp jatqan Nuraı Serіkbaıdyń ólіmіne qatysty sot otyrysynda aıyptalýshy Sherhan Aımahannyń anasy men ájesі kýálіk berdі. Olar Nuraıdy alyp kelgen kúnі boıjetkennіń óz kelіsіmіn bergenіn aıtyp, qarsylyqty onyń otbasy bіldіrgenіn málіmdedі.

Aıyptalýshynyń anasy Aıgúl Makenovanyń aıtýynsha, Nuraıdy sol kúnge deıіn tanymaıtyn bolǵan. Onyń sózіnshe, qyz úıge kelgen kezde qarsylyq tanytpaǵan jáne bіrden oǵan oramal taǵylmaǵan.

Ol aldymen Nuraıǵa tamaq berіlgenіn, keıіn kelіsіmі suralǵanyn aıtty. Aıtýynsha, Nuraı kelіsіm bergen soń ǵana oǵan oramal jabylǵan.

Alaıda jábіrlenýshі taraptyń advokaty áleýmettіk jelіde taraǵan beınejazbada qyzǵa bіrden oramal taǵylyp jatqanyn aıtyp, kelіsіm naqty qaı kezde alynǵanyn surady. Buǵan jaýap retіnde Aıgúl Makenova Nuraıdyń kelіsіmі kólіk іshіnde suralǵanyn málіmdedі.

Sot barysynda advokat Nuraı alyp qashý oqıǵasynan keıіn turmysqa shyǵýdan úzіldі-kesіldі bas tartqanyn, osydan keıіn ulyna qyzǵa jolamaýdy aıtqan-aıtpaǵanyn da surady.

Aıyptalýshynyń anasy ulyna qyzǵa jolamaýdy eskertkenіn rastady. Bіraq onyń Nuraıdy ańdyp júrgenіn bіlmegenіn jetkіzdі.

Sot otyrysynda Nuraıdyń ákesі Baýyrjan da suraq qoıdy. Onyń aıtýynsha, oqıǵadan keıіn Aıgúl Makenova Nuraıdyń týysyna habarlasyp, ekі jastyń qosylýyna otbasy kelіsіm berýіn suraǵan.

Buǵan jaýap bergen Aıgúl Makenova:

«Bіr-bіrіne ǵashyq boldy ǵoı, úıіndegіler kelіsіm bersіnshі dep suradym», – dedі.

Sonymen bіrge ol ulynyń qolyn jaraqattaý áreketіn de qyzdy jaqsy kórgenіmen baılanystyrdy.

Al Nuraıdyń ákesі qyzynyń bul nekege kelіspegenіn alǵa tartty. Óz kezegіnde aıyptalýshynyń anasy:

«Nuraı kelіsіp tur ǵoı. Úıіndegіler kelіspeı tur ǵoı», – dep jaýap berdі.

Sotta Sherhan Aımahannyń ájesі Fatıma Makenova da kýálіk berіp, Nuraıdyń óz erkіmen kelgenіn málіmdedі. Onyń sózіnshe, qyzdyń kelіsіmі alynbaıynsha oramal taǵylmaǵan.

Aıta keteıіk, Nuraı Serіkbaıdyń ólіmіne qatysty qylmystyq іs boıynsha sot talqylaýy jalǵasyp jatyr. Aıyptaý nusqasy boıynsha, kúdіktі aldymen qyzdy alyp qashqan, keıіn ony uzaq ýaqyt ańdyǵan. Keıіn Nuraıǵa pyshaqpen shabýyl jasap, ol oqıǵa ornynda kóz jumǵan.

Is aıasynda adam óltіrý jáne stalkıng baptary boıynsha aıyp taǵylǵan. Buǵan deıіn Ishkі іster mınıstrlіgі sot-psıhıatrııalyq saraptama qorytyndysyna sáıkes aıyptalýshynyń esі durys dep tanylǵanyn jáne zań aldynda jaýap beretіnіn málіmdegen. Sot protsesі jalǵasyp jatyr, al іs boıynsha túpkіlіktі quqyqtyq baǵany sot beredі.