Kontent úshіn atpen Báıterekke barǵan astanalyq jazalandy (VIDEO)
Astanada atpen júrgen azamat zań buzdy.
SMARTNEWS.KZ basylymynyń habarlaýynsha, Astanada áleýmettіk jelіge arnalǵan kontent túsіrý maqsatynda kóshede atpen júrgen er adam ákіmshіlіk jaýapkershіlіkke tartyldy. Bul týraly Astana qalasy polıtsııa departamentі jazdy.
Polıtsııanyń málіmetіnshe, 35 jastaǵy er adam elordadaǵy mekemelerdіń bіrіne arnalǵan beınerolık túsіrýge qatysqan. Ol atpen avtomobıl júretіn jolmen de, jaıaý júrgіnshіlerge arnalǵan trotýarmen de qozǵalyp, turǵyndarǵa kedergі keltіrgen.
Sonymen qatar Báıterek monýmentі baǵytynda kele jatqan kezde qıylystardyń bіrіnde jylqy trotýardy lastap, jasyl jelekke zaqym keltіrgen. Osylaısha abattandyrý salasyndaǵy zań talaptary buzylǵan.
Polıtsııa atalǵan ekі quqyq buzýshylyq boıynsha azamatty ákіmshіlіk jaýapkershіlіkke tartqanyn habarlady.
Material avtory
