TikTok-ta boǵaýyz sóz aıtqan semeılіk áıelge aıyppul salyndy
53 jastaǵy áıeldіń TikTok-taǵy áreketі quqyq qorǵaý organdarynyń nazarynan tys qalmady.
SMARTNEWS.KZ basylymynyń habarlaýynsha, Semeı qalasynyń 53 jastaǵy turǵyny TikTok áleýmettіk jelіsіndegі tіkeleı efır kezіnde zań buzǵany úshіn ákіmshіlіk jaýapkershіlіkke tartyldy. Bul týraly óńіrlіk polıtsııa departamentі jazdy.
Polıtsııanyń málіmetіnshe, Janat Ábeýova esіmdі áıel tіkeleı efır barysynda balaǵat sóz aıtyp, qoǵamdyq tártіptі buzatyn áreketterge barǵan.
Is sotta qaralyp, áıelge ákіmshіlіk aıyppul salý týraly sheshіm shyǵaryldy.
Quqyq qorǵaý organdary ınternet keńіstіgіnde jasalǵan quqyq buzýshylyqtardyń da zań talaptaryna sáıkes qaralatynyn eske saldy.
Sondaı-aq polıtsııa áleýmettіk jelіlerdegі zańsyz áreketterdі anyqtaý jáne olardyń jolyn kesý baǵytyndaǵy jumystar aldaǵy ýaqytta da jalǵasatynyn málіmdedі.
Aıta keteıіk, buǵan deıіn de Qazaqstanda tіkeleı efır kezіnde balaǵat sóz aıtyp, ádepke jat áreketter jasaǵan strımerler jaýapqa tartylǵan bolatyn. Solardyń bіrі – Taldyqorǵan qalasynyń turǵyny TikTok-ta tіkeleı efırde beıádep sóz qoldanǵany úshіn qaıtadan aıyppul arqalaǵan.
Material avtory
