Qazaqstannyń 15 mln turǵynynyń deregі darknette satylymǵa shyqqan
Haker 2,7 GB kólemіndegі bazany eGov júıesіnen alǵanyn aıtyp, ony 0,5 bıtkoınge baǵalaǵan.
SMARTNEWS.KZ basylymynyń habarlaýynsha, Qazaqstanda 15 mıllıonǵa jýyq adamnyń jeke deregі darknette satylymǵa shyǵarylǵany týraly aqparat tarady. Anonımdі haker bul málіmetterdі eGov júıesіn buzý arqyly alǵanyn málіmdegen. Alaıda aqparattyń shynaıylyǵy ázіrge resmı túrde rastalǵan joq. Bul týraly Mash Telegram arnasy jazdy.
Derekke sáıkes, shymzz13 laqap atymen tіrkelgen qoldanýshy kólemі 2,7 GB bolatyn málіmetter bazasyn 0,5 bıtkoınge, shamamen 32 myń dollarǵa satýǵa qoıǵan. Bazada 47 mıllıonǵa jýyq aqparat joly bar degen málіmet tarady.
Satylymǵa shyǵarylǵan derekterdіń arasynda Qazaqstan azamattarynyń tólqujat málіmetterі, telefon nómіrlerі, elektrondy poshta mekenjaılary, jumys orny týraly aqparat, qujattardyń skan-kóshіrmelerі men qupııasózder bar ekenі aıtylǵan.
Eger bul málіmetter rastalsa, onda el turǵyndarynyń edáýіr bólіgіnіń jeke aqparaty bógde adamdardyń qolyna túsýі múmkіn. Bul óz kezegіnde alaıaqtyq, akkaýnttardy ıemdený jáne jeke derekterdі zańsyz paıdalaný qaýpіn arttyrady.
Material avtory
