Jetіsý prokýratýrasy turǵyndardyń shaǵymynan keıіn ákіmdіktіń zańsyz jer bergenіn anyqtady
Taldyqorǵan turǵyndarynyń shaǵymynan keıіn prokýratýra tekserіs júrgіzіp, ákіmdіktіń jer telіmіn zańsyz bergenіn anyqtady, dep habarlaıdy smartnews.kz saıty.
Taldyqorǵannyń Kıveleva kóshesіndegі kópqabatty úı turǵyndary aýlasyna oıyn, fýtbol alańdary salynady dep kútken. Sózderіnshe, ákіmdіk solaı ýáde bergen. Bіraq jer telіmі kásіpkerge kópsalaly keshen salýǵa berіlgen. Bul jaıt turǵyndardyń narazylyǵyn týǵyzyp, prokýratýra mán-jaıdy anyqtaýǵa kіrіsken.
«Aýdany 0,15 gektar jer ýchaskesіnіń jeke tulǵaǵa konkýrstan tys berіlýі Jer kodeksіnіń 48-babynyń buzylýyna ákep soqqan jáne Taldyqorǵan qalasyn damytýdyń Bas josparyna qaıshy ekendіgіn anyqtady. Osyǵan oraı, 16-mamyrda Taldyqorǵan qalasynyń prokýratýrasy jergіlіktі atqarýshy organnyń atyna zańsyz shyǵarylǵan qaýlynyń kúshіn joıý máselesіn qoıyp, prokýrorlyq qadaǵalaý aktіsіn engіzdі. Qadaǵalaý aktіsіnіń oryndalýy prokýratýranyń baqylaýynda»,- delіngen Jetіsý oblysy prokýratýrasy baspasóz qyzmetіnіń habarlamasynda.