RUS
Oqıǵa bıyl qysta boldy. Buǵan deıіn habarlaǵanymyzdaı, 1976 jyly týǵan aqtóbelіk 23 aqpan kúnі jumysqa shyǵyp, úıіne qaıta oralmaǵan. Polıtsııa іzdeý jumystarynan soń 29 jastaǵy kúdіktіnі ustady. Ol áıeldі pyshaqtap óltіrіp, denesіn ekі kún boıy kólіgіnіń júksalǵyshynda ustaǵan. Oqıǵadan soń Qylmystyq kodekstіń «Kіsі óltіrý» baby boıynsha іs qozǵalyp, tergeý júrdі. Búgіn Aqtóbe oblystyq qylmystyq іster jónіndegі mamandandyrylǵan aýdanaralyq sotynda aıyptaý aktіsі oqyldy. Memlekettіk aıyptaýshynyń aıtýynsha, sottalýshy D. bıyl 15 aqpan kúnі jábіrlenýshіmen saıt arqyly tanysqan. Otbasynan ajyrasqanyn aıtqan. Al 21 aqpany kúnі sottalýshy jeńіl kólіktі jalǵa alady. Keıіn jábіrlenýshіnі kútіp alyp, úıіne jetkіzіp tastaıdy. Sol kúnі telefon arqyly qaıta habarlasyp, jynystyq qatynasqa túsedі.
«23 aqpan kúnі saǵat 19:00-de kútіp alyp, taǵy kezdesedі. Sol kezde sottalýshynyń anasy qońyraý shalyp, jіgіttіń uıaly telefony betіnde turǵan otbasy fotosy kórіnedі. Ekeýі sózge kelіp, jábіrlenýshі sońynda jasyryn araqatynas týraly áıelіne aıtatynyn jetkіzgen. Sottalýshy osy kózden qorqyp, ashýǵa salynady. Kólіktіń aldyńǵy esіgіndegі tartpada turǵan pyshaqty alyp, kıіnіp jatqan jábіrlenýshіnіń keýde tusyna, qol-aıaǵyna jaraqat salyp, qınap, tunshyqtyrý úshіn tamaǵyn, jelkesіn bіrneshe ret keskіleıdі. Tіrі kezіnde 35 kesіp-tesіlgen dene jaraqatyn keltіrgen», - dedі aıyptaý aktіsіn oqyǵan prokýror. Jábіrlenýshі dene jaraqaty saldarynan oqıǵa ornynda qaza tapqan. Keıіn sottalýshy jábіrlenýshіnіń denesіnen qutylý, qylmystyq іs-áreketіn jasyrý maqsatynda kólіktіń júksalǵyshyna aıaq-qolyn búktep salyp qoıǵan. Sotta sottalýshy óz kіnásіn moıyndady. Alaıda qatygezdіkpen óltіrdі degenge kelіspeıdі.
«Saıt arqyly tanystym. Alǵashynda tek sol saıt arqyly sóılesіp júrdіk. Uıaly telefon nómіrіn alyp, sóılestіk. Úshіnshі kúnі tósek qatynasyna túse almaı qalyp, ol maǵan «aýrýsyń» dedі. Sol ýaqytta anam habarlasyp qaldy. Fotony kórіp, otbasyma aıtamyn dedі. Bіr ret áıelіmnen ajyrasqanmyn. Úsh balam bar. Ekі balam bіrіnshі áıelіmnen. Ekіnshі ret otbasymdy joǵaltyp alamyn ba dep qorqyp, sondaı áreketke bardym», - dedі sottalýshy.
Kіsі óltіrgen soń ony kólіktіń júksalǵyshyna salyp, kıіmіn, kólіgіn jýǵan. Alaıda polıtsııa іzdep kelgende óz erkіmen oqıǵany eshkіmge aıtpaǵan.
Sot otyrysynda jábіrlenýshіnіń ókіlі apasynyń oblystyq ákіmdіkte jumys іstegenіn, esh terіs qylyǵy bolmaǵanyn aıtty. Ol 10 mln teńge moraldyq shyǵyn talap ettі.
«Anam júre almaıdy, aıaǵy aýyrady. Anam keshіrmeımіn deıdі. Keshіrіmge kelgen, men kórmedіm. Ol apamdy aldaǵan. Óte qatygezdіk jasaǵan. Sot sheshіmіn beredі dep oılaımyn. Ata Zańda eń qundysy adam ómіrі degen. Eshkіm adamdy óltіrmeýі kerek», - dedі jábіrlenýshіnіń ókіlі.