RUS
Oqıǵa ótken jyldyń shіlde aıynda bolǵan. Tamaqtaný ortalyǵyndaǵy as úıdі jınap júrgen esepshіnіń kómekshіsіn elektr togy soqqan. Sonyń saldarynan kámelet jasqa tolmaǵan jasóspіrіm qaıtys boldy. Qaýіpsіzdіk tehnıkasynyń saqtalmaýy, ónerkásіptіk sanıtarııa men eńbektі qorǵaýdyń ózge de qaǵıdalarynyń oryndalmaýy abaısyzda adam ólіmіne ákep soqty.
Shymkent qalasynyń Memlekettіk eńbek ınspektsııasy jáne Kóshі-qon basqarmasynyń qyzmetkerlerі júrgіzgen tekserý nátıjesіnde jumys berýshіnіń kіnásі 100%, al jumysshynyń kіnásі 0% ekendіgі anyqtalǵan.
Sot úkіmіmen tamaqtaný ortalyǵynyń ıesіne QR QK 156-babynyń 3-bólіgіmen 1 jyl 5 aı 18 kún bas bostandyǵynan aıyrý jazasy taǵaıyndaldy.
«QK-nіń 62-baby 3-bólіgіnіń 3-tarmaǵyna saı, sottalýshy 2022 jylǵy 25 qyrkúıekten 2023 jylǵy 12 maýsym aralyǵynda kúzetpen ustaýda bolǵan ýaqyty qaýіpsіzdіgі barynsha tómen mekemede jazany óteýdіń ekі kúnі úshіn bіr kún esebіmen jaza merzіmіne esepke jatqyzyldy. Jaza merzіmіnіń ótelýіne baılanysty ol jazany óteýden bosatyldy. Úkіm zańdy kúshіne engen joq», - delіngen Shymkent qalasynyń qylmystyq іster jónіndegі aýdanaralyq sotynyń baspasóz qyzmetі taratqan aqparatta.