Pavlodarlyq zeınetkerlerdі 25 mln teńgege aldap soqqan kúdіktі top quryqtaldy
Pavlodar qalasynda polıtsııa bólіmіne egde jastaǵy 30-ǵa jýyq turǵyn alaıaqtyq boıynsha shaǵym túsіrdі, dep habarlaıdy smartnews.kz saıty.
Óńіrlіk polıtsııa departamentі baspasóz qyzmetіnіń málіmetіnshe, jedel-іzdestіrý іs-sharalarynyń nátıjesіnde alaıaqtyq áreketter jasaý kúdіgі boıynsha qylmystyq top ustaldy. Olar 19-21 jas aralyǵyndaǵy Pavlodar qalasynyń tórt turǵyndary bolyp shyqty.
"Qazіr olardyń alty alaıaqtyq faktіsіne qatysy bary anyqtaldy, aldaý arqyly zeınetkerlerden shamamen 25 mln teńge qarajat ıelengen. Ustalǵandardan 3 mln 900 myń teńge tárkіlenіp, ekі jábіrlenýshіge qaıtaryldy. QR QK 190-baby 3-bólіgі boıynsha sotqa deıіngі tergeý bastaldy. Ekeýіne qatysty qamaýǵa alý túrіndegі bultartpaý sharasy,taǵy ekeýіne qatysty eshqaıda ketpeý týraly jazylym túrіndegі bultarpaý sharalary tańdaldy", - delіngen habarlamada.