RUS
Oblystyq polıtsııa departamentіnіń baspasóz qyzmetіnen málіm etkendeı, top quramynda Qurmanǵazy aýdanynyń 4 adamy bolǵan.
«Ekstremızmge qarsy іs-qımyl basqarmasynyń, Qurmanǵazy aýdandyq polıtsııa bólіmі men «Arlan» arnaıy jasaǵynyń qyzmetkerlerі 16 maýsym kúnі saǵat 7:30 shamasynda terrorızmdі nasıhattady degen kúdіkke іlіngen 4 adamdy ustady. Kúdіktіler – Qurmanǵazy aýdanynyń 39, 35 jáne 33 jastaǵy turǵyndary. Ustalǵan kúdіktіlerdіń bárі Qurmanǵazy aýdanynyń jastaryna terіs jat aǵymnyń іlіmіn nasıhattaǵany úshіn baqylaýǵa alynǵan. Olardyń turǵylyqty mekenjaılaryn tekserý kezіnde Qazaqstan aýmaǵynda taratýǵa tıym salynǵan dіnı ádebıetter men túrlі nasıhattyq jadynamalar, uıaly telefondar men 2 pyshaq tárkіlendі. Aıǵaq zattardyń bárі qylmystyq іske tіrkeldі», -dep habarlady departamenttіń baspasóz qyzmetі.
Qazіr polıtsııa qyzmetkerlerі ustalǵan kúdіktіlerge qatysty QR Qylmystyq kodeksіnіń 256-babymen (Terrorızmdi nasıhattaý nemese terrorızm aktisin jasaýǵa jarııa túrde shaqyrý) sotqa deıіngі tergeý amaldaryn bastady. Ózge aqparat QR Qylmystyq-protsestіk kodeksіnіń 201-babyna sáıkes jarııalaýǵa jatpaıdy.