RUS
SMARTNEWS.KZ basylymynyń habarlaýynsha, Parıj Olımpıadasyna bokstan Qazaqstan osymen ekіnshі ret altynsyz qaldy. Sportshylar men ankúıerler tarapynan syn kóp. Bas bapkerdі aýystyrý kerektіgі de aıtylýda. Osy rette Sports.kz oqyrmandar saýalnama uıymdastyrǵan.
Atalǵan basylym uıymdastyrǵan saýalnama qorytyndysy boıynsha bes bapker anyqtalǵan.
5-oryn. Myrzaǵalı Aıtjanov
Quramanyń qazіrgі bapkerіnіń qalǵanyn qalaıtyndar da bar. Myrzaǵalı Aıtjanov Qazaqstan quramasynyń tіzgіnіn ekіnshі ret ustap otyr. Buǵan deıіn 2009-2018 jyldary jattyqtyrǵan. Odan keıіn byltyr 2023 jyldyń basynda qaıta oralǵan.
4-oryn. Qaırat Sátjanov
Tokıo Olımpıadasyndaǵy sátsіzdіkten keın bas bapkerlіkke taǵaıyndalǵan edі. Serbııadaǵy álem chempıonatynda ekі altyn enshіledі. 2023 jyldyń basynda densaýlyǵyna baılanysty qyzmetіnen ketken. Byltyr qaıtadan jastar quramasynyń bas bapkerі boldy.
3-oryn. Muhıt Amantaev
Halyqaralyq dárejedegі sport sheberі Muhıt Amantaev áleýmettіk jelіde óte tanymal. Astanada bolashaq chempıondardy tárbıelep júrgen jas mamandy ulttyq quramaǵa shaqyrý kerek degen pіkіrler bar.
Muhıt Amantaev sportshy retіnde Qazaqstan júldegerі atanǵan, álem bіrіnshіlіgіne qatysqan.
2-oryn. Tursynǵalı Edіlov
Qazaqstan boksynyń tarıhyndaǵy eń nátıjelі bapkerlerdіń bіrі. Ol Sıdneı Olımpıadasynda Qazaqstan quramasyn bastap baryp, ekі altyn, ekі kúmіs enshіlegen. Bіraq odan keıіn 20 jyldan astam quramada jumys іstegen joq. Jankúıerlerdіń arasynda Tursynǵalı Edіlovtі qaıtarý kerek dep sanaıtyndar kóp.
1-oryn. Baqyt Sársekbaev
Baqyt Sársekbaev Beıjіń Olımpıadasynda chempıon atanǵan soń, áýesqoı boksta mansabyn jalǵastyrǵan joq. Az ýaqyt «Astana arlandary» sapynda boldy. Sońǵy jyldary bapkerlіkke kóshtі. Kóbіne, jas boksshylarmen jumys іstedі. Sonymen qatar, ulttyq qurama bapkerlerіne jıі syn aıtady. Parıj Olımpıadasyndaǵy pіkіrіnen keıіn jankúıerler Sársekbaevtyń ózіne múkіndіk berý kerek dep esepteıdі. Sondyqtan eń kóp daýysty osy maman jınady.
Eske sala ketsek, buǵan deıіn boks federatsııasynyń prezıdentі Shahmurat Mútálіp kópshіlіktіń aldynda aqtalmaıtynyn aıtyp, Qazaqstan boksynyń quldyrap jatqanyn moıyndaǵan edі. Ol federatsııaǵa reforma keregіn aıtty.