RUS
SMARTNEWS.KZ basylymynyń habarlaýynsha, jaǵdaı álі de kúrdelі. Reseıdіń Orynbor oblysyndaǵy sý kózderіnen Jaıyq ózenіne kóp kólemde sý túsýde.
"Sýdyń kóbeıý qarqyny jyldam. Sonyń saldarynan Aqjaıyq, Bórlі, Báıterek, Terektі aýdandarynyń 80-nen astam eldі mekenі, sondaı-aq Jaıyq ózenіnіń boıynda ornalasqan Oral qalasynyń aýmaqtaryn sý basý qaýpі bar", – dedі óńіr ákіmіnіń baspasóz qyzmetіnіń basshysy Erhan Tátken.
Mamandardyń boljamyna sáıkes, Orynbor qalasynan sý oblysqa 17-19 sáýіr kúnі keledі.
"Sý tasqynynyń aldyn alý boıynsha jumystar táýlіk boıy júrgіzіlýde. Búgіnde oblys boıynsha Jaıyqta uzyndyǵy 72 km bolatyn bóget salynyp, ózen jaǵasy nyǵaıtyldy. Qazіrgі ýaqytta ózennіń boıyndaǵy qaýіp tónіp turǵan eldі mekenderden turǵyndardy evakýatsııa jumystary júrgіzіlіp jatyr. Adamdardy qaýіpsіz jerge ornalastyrý úshіn syıymdylyǵy 8596 orynǵa eseptelgen 161 ýaqytsha ornalastyrý pýnktі daıyndaldy. Búgіngі tańda oblys boıynsha evakýatsııalyq pýnkterde 2 myńǵa jýyq adam bar. Oǵan qajettі zattar men azyq-túlіk, kıіm-keshekter ýaqytyly jetkіzіlýde", – dedі ol.
Sonymen qatar, zardap shekken turǵyndardyń shyǵynyn esepteý boıynsha arnaıy komıssııa jumys іstep jatyr. Búgіnde 677 otbasyna 125 mln teńge kólemіnde bіrjolǵy áleýmettіk kómek berіldі. Bul jumystar jalǵasyn tabady.