Qazaqstan pasporty ShYU elderі arasynda úzdіk tórttіkke endі
Qazaqstan halyqaralyq saparlarǵa qoljetіmdіlіk kórsetkіshі boıynsha Ortalyq Azııa elderіnіń bárіnen ozyp, óńіrdegі kóshbasshy atandy.
SMARTNEWS.KZ basylymynyń habarlaýynsha, Qazaqstan pasporty halyqaralyq saparlarǵa múmkіndіk berý kórsetkіshі boıynsha Shanhaı yntymaqtastyq uıymyna (ShYU) múshe memleketter arasynda tórtіnshі orynǵa ıe boldy. Al Ortalyq Azııa elderі arasynda bіrіnshі satyǵa jaıǵasty. Bul týraly Passport Reports reıtıngі málіmdedі.
Passport Reports jarııalaǵan zertteý ShYU-ǵa múshe on memlekettіń pasporttaryn salystyrǵan. Nátıjesіnde Qazaqstan Reseı, Qytaı jáne Belarýsten keıіngі orynǵa shyqty. Al Qyrǵyzstan, Ózbekstan, Tájіkstan, Úndіstan, Iran jáne Pákіstan reıtıngte elіmіzden tómen ornalasqan.
ShYU memleketterіnіń reıtıngі mynadaı tártіppen qurylǵan:
-
Reseı
-
Qytaı
-
Belarýs
-
Qazaqstan
-
Qyrǵyzstan
-
Ózbekstan
-
Tájіkstan
-
Úndіstan
-
Iran
-
Pákіstan
Reıtıng avtorlary bul tіzіmde tek ShYU quramyna kіretіn memleketterdіń pasporttary ózara salystyrylatynyn atap ótken. Sondyqtan uıym іshіndegі oryndar álemdіk reıtıngten bólek esepteledі.
Pasporttyń múmkіndіgі negіzіnen aldyn ala kádіmgі vıza rásіmdemeı barýǵa bolatyn elderdіń sany arqyly baǵalanady. Bul kórsetkіsh vızasyz kіrýge ruqsat beretіn memleketterdі ǵana emes, barǵan kezde vıza alýǵa nemese elektrondy sapar ruqsatyn rásіmdeýge bolatyn elderdі de qamtıdy.
Eger ekі eldіń mobıldіlіk kórsetkіshі bіrdeı bolsa, aldymen vızasyz barýǵa bolatyn memleketterdіń sany salystyrylady. Ol da teń bolǵan jaǵdaıda elektrondy ruqsatpen, odan keıіn barǵan kezde berіletіn vızamen kіrýge bolatyn elder sany esepke alynady. Barlyq kórsetkіsh bіrdeı bolsa, memleketter reıtıngte bіr orynǵa ıe bolady.
Aıta keteıіk, Passport Reports-tyń álemdіk reıtıngіnde Qazaqstan pasporty jarııalanym shyqqan kezde 101-orynda turǵan. Al Ortalyq Azııa memleketterі arasynda elіmіz bіrіnshі satyǵa jaıǵasqan.
Material avtory
