RUS
SMARTNEWS.KZ basylymynyń habarlaýynsha, búgіn Reseı zymyrandarynyń atqylaýynyń kesіrіnen Kıevte 15 adam qaza taýyp, 37 adam zardap shekken.
Zymyran shabýylynan Kıevtegі «Ohmatdet» balalar aýrýhanasynyń bіr bólіgі buzylǵan. Aýrýhanada zardap shekkender bar, olardyń nesheýі bala ekenі álі belgіsіz. Zymyran synyqtary Kıevtіń bіrneshe aýdanyna, qala ortasyna túsіp, bіrneshe ǵımaratta órt shyqqan.
Jelіde jarııalanǵan foto, vıdeolardan balalar aýrýhanasynyń qatty qıraǵany kórіnedі. Naýqas balalar men olardyń ata-analary syrtta otyrǵany baıqalady. Úıіndіler astynda adamdar bolýy múmkіn.
Kıev taraby Reseı raketalardy Kaspıı teńіzіnen jіbergenіn aıtady. Búkіl Ýkraıyn aýmaǵynda dabyl qaǵyldy. El іshіnde raketaǵa qarsy júıeler іske qosylǵan. El prezıdentі Vladımır Zelenskııdіń habarlaýynsha, Reseı 40-tan asa raketa atqan.
Al Reseı qorǵanys mınıstrlіgі áskerı mekemelerі men avıatsııalyq bazalaryna shabýyl jasamaǵanyn, azamattyq nysandardy zymyranmen atqylamaǵanyn aıtady. Máskeý Kıevke zymyrandar Ýkraıynnyń zymyranǵa qarsy qurylǵylarynan tústі dep otyr.