RUS
Olımpıada oıyndarynyń ekі dúrkіn jeńіmpazy, «Úlken Dýlyǵa» týrnırіnde 22 ret top jarǵan 38 jastaǵy sportshy áleýmettіk jelіdegі resmı paraqshasynda kásіbı mansabynyń aıaqtalǵanyn jetkіzdі.
Árıne, qyryq jastyń «aýylyna» qadam basqan Nadal qazіr jastarmen ıyq teńestіre almaıdy. «Sen tur, men ataıyn» degen jas tennısshіler kortta ary-berі júgіrtіp, upaıdan shashaý shyǵarmaýǵa tyrysady. Olardyń qatarynda Sınner, Alkaras, Machak sııaqty jas órender bar.
Nadaldyń kásіbı mansaby jarqyn bolǵany sózsіz. Ol 2008 jyly Pekınde ótken jáne 2016 jyly Rıoda uıymdastyrylǵan Olımpıada oıyndarynyń jeńіmpazy atandy. «Rolan Garrosty» 14 márte jeńgen. Ispanııa quramasy sapynda Devıs kýbogіn bіrneshe ret utqan.
Buryndary týrnırlerdіń aqtyq synynda Nadal men shveıtsarııalyq Federer jıі kezdesіp, ózara kіl myqtyny anyqtaıtyn. Kárіlіktіń «aýylyna» qadam basqan ataqty qos sportshynyń tartysy tarıh qoınaýyna enіp bara jatyr...