RUS
SMARTNEWS.KZ basylymynyń habarlaýynsha, QR AQSh-taǵy Elshіlіgі Amerıka Qurama Shtattary shekara qaýіpsіzdіgіn nyǵaıtý jáne zańsyz mıgratsııany azaıtý maqsatynda mıgratsııalyq saıasatyn barynsha qatańdatqanyn nazarǵa saldy. Bul týraly Kazinform jazdy.
Shekara qaýіpsіzdіgіn nyǵaıtýǵa jáne zańsyz mıgratsııany azaıtýǵa baǵyttalǵan sharalar elge zańsyz kelgen sheteldіkterge (vızasyz kelgen jáne turaqty turýǵa ruqsaty joq azamattar) jáne AQSh-ta zańsyz júrgen mıgranttarǵa qatysty bolyp otyr. Qamaýǵa alý jáne elden shyǵarý syndy májbúrleý sharalarymen qatar, AQSh-qa qaıta kіrýge shekteýler engіzіlіp, sondaı-aq áleýmettіk kómek, jumys іsteýge ruqsat beretіn qujattar men basqa da áleýmettіk jeńіldіkterdі joıý qarastyrylýda.
— AQSh bılіgі zańsyz negіzde júrgen sheteldіkterge (qujaty joq, jaramsyz vıza men turaqty turýǵa ruqsaty (Grın Karta) jáne basqa qujattar bolmaýy) elden óz erkіmen ketýge múmkіndіk berіp otyr. Bul shara Qazaqstan azamattarynyń deportatsııaǵa ushyraý qaýpіn azaıtýǵa jáne onyń saldarynan bolashaqta AQSh vızasyna ótіnіsh bergende el aýmaǵyna kіrýge tyıym salynýynan saqtanýǵa kómektesedі, — delіngen habarlamada.
Taǵy bіrqatar ózgerіsterdі atap ótýge bolady:
«Meksıkada qalyńyz» saıasaty qaıta engіzіldі, ıaǵnı mıgranttar jáne saıası baspana suraıtyndar mıgratsııalyq sotqa shaqyrǵanǵa deıіn Meksıkada qalýǵa mіndetteledі;
«Usta da jіber» (catch and release) sharasy toqtatyldy. Bul AQSh shekarasynan zańsyz ótken mıgranttar іsі qaralmaıynsha qamaýda bolatyndyǵyn bіldіredі. Olardy arnaıy ortalyqtarǵa qamap nemese bіrden kelgen elderіne qaıtaratyn bolady. Sonymen qatar azamattar úshіnshі elderge de jіberіlýі múmkіn (mysaly, «Meksıkada bolý» baǵdarlamasy boıynsha);
Shartty túrde ýaqytynan erte bosatatyn nemese AQSh-qa kіrýge aldyn ala jeńіldіkter qarastyrylǵan «CBP One» mobıldіk qosymshasy jumysyn toqtatty.
AQSh kóshі-qon zańnamasyndaǵy ózgerіster týraly resmı aqparatty kelesі resýrstardan baqylap otyrýdy usynamyz:
— AQSh azamattyǵy jáne ımmıgratsııa qyzmetі (USCIS);
— AQSh Memlekettіk departamentі — Konsýldyq máseleler bıýrosy
Tótenshe jaǵdaılar nemese konsýldyq-quqyqtyq kómek qajettіlіgі týyndaǵan jaǵdaıda, tómendegі baılanys nómіrlerіne habarlasýdy suraımyz:
Qazaqstan Respýblıkasynyń Elshіlіgі: +1 202 232 5488 іshkі 127, 109, 121;
QR Nıý-Iork qalasyndaǵy Bas konsýldyǵy: +1 332 207 9632;
QR San-Frantsısko qalasyndaǵy Bas konsýldyǵy: +1 650 741-8894.