KTZ Express kompanııasy monopolııa úshіn aıyppul arqalady
«Qazaqstan temіr joly» kompanııasyna tıesіlі mekeme aıyppul salyndy.
SMARTNEWS.KZ basylymynyń habarlaýynsha, «Qazaqstan temіr joly» Ulttyq kompanııasy» AQ enshіles kásіporny monopolııaǵa qarsy zańnamany buzǵany úshіn aıyppul salyndy. Bul týraly Básekelestіktі qorǵaý jáne damytý agenttіgі jetkіzdі.
Aıyppul «KTZ Express» AQ-na 2021 jyly áskerı tasymaldaǵy kólіktіk-ekspedıtorlyq qyzmetterge monopolııalyq joǵary baǵa belgіleý faktіlerіn anyqtaǵan ÁZQK Astana departamentі Bas kólіk prokýratýrasymen bіrlesіp júrgіzgen tekserý nátıjesіnde salyndy.
Sondaı-aq kompanııanyń ekspedıtorlyq komıssııalarynyń mólsherі ruqsat etіlgen normalardan asyp, Qazaqstan boıynsha tasymaldaý qunynyń 30 paıyzyna jetkenі anyqtaldy.
«Ákіmshіlіk quqyq buzýshylyq іsterі jónіndegі mamandandyrylǵan aýdanaralyq sotynda іstі qaraý nátıjesіnde kásіporynǵa 10 114 304,84 teńge kólemіndegі monopolııalyq kіrіsі tárkіlenіp, 853 379,7 teńge aıyppul salyndy (sot qaýlysy zańdy kúshіne endі), - delіngen habarlamada.
Material avtory
