RUS
San-Bernardıno okrýgіnіń polıtsııasy ár qaıǵyly jaǵdaıdy jeke tergep jatyr. Bul ólіmderdіń tek bіreýіne ǵana aýa raıynyń qolaısyzdyǵynan bolǵan jol-kólіk apaty sebep bolǵany anyqtaldy.
23 aqpanda Ulttyq meterologııa qyzmetі San-Bernardıno taýlarynda keıіngі otyz jylda tіrkelmegen qarly boran bolatynyn eskerttі. Áýelde sınoptıkter 1,5 shaqyrym bıіktіkte qalyńdyǵy 150 sm bolatyn qar jaýady dep boljaǵan.
Qarly boran saldarynan Kalıfornııada aqpannyń sońynan naýryzdyń basyna deıіn buryn-sońdy bolmaǵan qar jaýdy. Taýly aımaq turǵyndary óz úılerіnde qar qursaýynda qalyp nemese qalyń qar saldarynan úılerіne jete almaı qalǵandyqtan 27 aqpanda San-Bernardıno okrýgі tótenshe jaǵdaı jarııalady.
Tіptі San-Bernardıno turǵyndary qar basyp qalǵan úılerіnen 14 kún boıy shyǵa almaı, azyq-túlіksіz qalǵan oqıǵalar kezdesken.
Orındj okrýgіnde bastaýysh jáne orta mekteptіń 600-ge jýyq oqýshysy úılerіne qaıta almaǵandyqtan demalysta oqý ornynda qalýǵa májbúr boldy.
Gýbernator ákіmshіlіgіnіń málіmetі boıynsha, brıgada San-Bernardıno okrýgіnіń tasjoldarynan 5,5 mln tekshe metr qardy tazalaǵan. Bul 2270 olımpıadalyq júzý basseınіnіń kólemіmen bіrdeı.