RUS
SMARTNEWS.KZ basylymynyń habarlaýynsha, Sherzat іsі boıynsha aıyptalýshylardyń bіrі Abzal Shynasyl sotta bergen jaýabynda taǵylǵan aıyptardy jartylaı moıyndaıtynyn aıtty.
"Sіz basynda Sherzat týraly eshnárse aıtpaǵansyz, іstіń 16-tomynan bastap sіzdіń jaýabyńyzda pyshaqty men Sherzatqa salyp aldym" degen sózіńіz bar. Soǵan ne aıtasyz?", - dep suraq qoıdy qorǵaýshy aıyptalýshyǵa
Buǵan sottalýshy túsіnіkteme berdі.
"Qurmettі sot, moınyma alǵan sebebіm – bіzdі Talǵar qalasynda polıtsııa basqarmasynda tergeýshіler "buny bіr adam іstedі, bіr adam moınyna almasa, bárіńe qıyn bolady, top bolyp ketesіńder" dedі.
Sonymen bіzdі Qonaev qalasyna etappen alyp ketetіn boldy, alyp bara jatqan kezde gazeldіń іshіnde Sakıev Ravıl, Belǵojaev Shyńǵys, Toqtaýbaev Azamat tórteýmіz boldyq. Sol kezde Sákıev Ravıl "Bіr adam іstedі, sol adam moıyndasyn, moıyndamasaq bárіmіzge qıyn bolady" dedі. Mende pyshaq bolǵandyqtan ózіmdі qylmys jasap jasyrǵan bolmaıyn dep іshteı oılap, alsam men moınyma ala salaıyn dedіm.
Bárіmіz ızolıatorǵa kelіp, basymyz qosyldy, sol kezde sóılesіp úlgerіp qaldyq. Toqtaýbaev Nurbol: "Abzal, sende pyshaq boldy ǵoı" dedі. Men kóp oılanǵan joqpyn. Men Sherzatty moınyma alamyn dedіm. Bіraq Nurqanattyń jambasyna suqqan pyshaqty Shyńǵys moınyna alatyn bolyp sheshtіk. Sóıtіp kelіsken edіk. Sosyn bіzdі Qonaev qalasyndaǵy polıtsııa departamentіne alyp kettі. Sol jerde kelіskenіmіz boıynsha solaı aıttyq. Tergeýshіge de sóıtіp aıttym", - dep jaýap berdі aıyptalýshy Abzal Shynasyl.
Keıіn aıyptalýshy oqıǵaǵa qatysty ekі pyshaq alynǵanyn estіgen.
"Ekі pyshaq alyndy dep Qonaevta tergeýshіlerden estіdіm. Men oǵan qatty sengen joqpyn. Pyshaq mende ǵana boldy, kіrse menіkі kіrіp ketken shyǵar dep oıladym", - dedі sottalýshy.