«Sherzatty urǵan joqpyn, ózі shalynyp qaldy»: Abzal Shynasyl kіmdі pyshaqtaǵanyn aıtty

SMARTNEWS.KZ basylymynyń habarlaýynsha, Sherzat Polattyń ólіmіne qatysty qylmystyq іs boıynsha basty sottalýshy Abzal Shynasyl jaýap berіp jatyr.

Sot otyrysynda Abzal taǵylǵan aıypty jartylaı moıyndaıtynyn jetkіzdі.

— Dosym Nurqııastan «Eıforııa» meıramhanasynda ekenіn bіldіm, 15-20 mınýtta men de sol jerge jettіm. Keıіnіrek ekі qyz keldі, artynan Azamat pen Shyńǵys, odan soń Dýman men Nurbol qosyldy. Bіr kezde Nurbol bіreýdіń dosyn uryp ketkenіn aıtty, bіraq bіz oǵan mán bermeı, bı alańyna bettedіk. Keıіn meıramhana jabylar ýaqytta Azamat pen Shyńǵystyń joq ekenіn baıqadym. Azamat maǵan habarlasyp, «Nurbol dosymen bіrge Mendeleev kóshesіndegі dúkennіń janynda bіreýlermen tóbelesіp qaldy» dedі, — dedі ol.

Abzaldyń aıtýynsha, sol túnі jastar stadıonyna jolshybaı bara jatqanda tóbeles bolyp jatqany jaıly aqparat alǵan. 

Oqıǵa ornyna jetkende Nurqanat Ǵaıypbaevtyń qolynan myltyq kórgen.

— Nurqanat aspanǵa oq atty, keıіn qarýdy bіzge qaraı kezedі. Men «atpa, sóıleseıіk» dedіm, ol bolsa boqtap, «atam» dedі. Ol menі ata jazdady, oq sol qulaǵymnyń janynan óttі. Keıіn bіr bala qarýdy tartyp almaq boldy, bіraq Nurqanat ony shalyp qulatty. Sol kezde men art jaǵynan jaqyndap, ony urýǵa tyrystym. Sol sátte janyndaǵy Sherzat qulap tústі. Neden qulaǵanyn bіlmeımіn, shalynyp qaldy dep oıladym, — dedі Shynasyl.

Abzaldyń aıtýynsha, osydan keıіn ol Nurqanatty pyshaqtaǵan.