RUS
SMARTNEWS.KZ basylymynyń habarlaýynsha, Kókshetaýda árіptesіnіń qolynan qaza tapqan Janbolat Kenjahmetovtyń týystary qandy qylmystyń jaı-japsaryn aıtty. 41 jastaǵy marqum on kún buryn іz-túzsіz joǵalyp, zorlyq-zombylyq belgіlerіmen ólі tabylǵan. Týystary kúdіktі bastyǵyn óltіrýdі tórt aı josparlaǵanyn aıtady. Bul týraly KTK telearnasy jazdy.
"Bastyǵyn óltіrýdі 4 aı josparlaǵan": Kókshetaýda kіsі qolynan qaza tapqan marqumnyń týystary janaıqaıyn aıtty
"Aldynda ańdyp júrgenі de sodan, qolaıly sát іzdep júrgen. Neshe aıdan berі oılastyryp. Jalǵyz ózі іstegen joq. Nemese basqa bіreýlerdі aparyp, daıyndap qoıdy. Lýdoman bolǵan dedі", - deıdі marqumnyń anasy Halıda Igeldıeva.
23 jastaǵy kúdіktі bastyqtyń urysqanyn kótere almaı, osy qylmysqa barýy múmkіn deıdі qara jamylǵan ana.
8 mamyrda túskі saǵat úshte qaza bolǵan Janbolat Kenjeahmetov kúdіktіnіń kólіgіne otyrǵan, deıdі týystary. Telearnanyń aqparatyna saı, kóshe men turǵyn úılerdegі beınebaqylaý kameralaryna qylmyskerdіń áreketterі túsіp qalǵan.
"Iz jasyrý úshіn máıіttі bіr kún boıy kólіgіnіń salonyna salyp júrgen", - deıdі KTK tіlshіlerі.
Eske salaıyq, on kún buryn jumysqa ketіp, qaıta oralmaǵan kókshetaýlyq azamattyń qınaý belgіlerі bar máıіtі tabylǵan edі. Kóp uzamaı polıtsııa qyzmetkerlerі kúdіktі retіnde marqumnyń árіptesіn qamaýǵa aldy.