RUS
Bul shara elіmіzdіń jáne sheteldіń úzdіk sportshylary qatysatyn tarıhı boks keshіne daıyndyq aıasynda uıymdastyryldy. Baspasóz jıynyna «Nomad Promotions» kompanııasynyń quryltaıshysy Rústam Qýanshalıev, Qazaqstan kásіpqoı boks federatsııasynyń prezıdentі Rahymjan Erdіnbekov qatysty,sondyı-aq, keshte óner kórsetetіn boksshylar qatarynda Mahmud jáne Tórehan Sabyrhan, Batyr Júkembaev, Ózbekstandyq boksshy Bahodır Jalolov, Bіrіkken Arab Ámіrlіgіnen kelgen Azınga Fýzıle, Sultan Zaýrbekjáne olardyń promoýterlerі men menedjerlerі qatysty.
Sýret: Dına Ǵalymjanqyzy
Qazaqstandyq boksshy Jánіbek Álіmhanuly men frantsııalyq Anaýel Ngamıssengenіń arasyndaǵy tıtýldyq jekpe-jek 5 sáýіr kúnі Astana qalasynda «Barys-Arenada» ótedі dep josparlanýda. Jekpe-jekte WBO jáne IBF tujyrymdary boıynsha orta salmaqtaǵy chempıondyq belbeýler sarapqa salynady. Kezdesýdі Qazaqstan jáne Qazsport telearnalary tіkeleı efırde usynady. Sondaı-aq, keshtі ESPN+ platformasynan da tamashalaýǵa bolady.
Atalmysh kompanııa 2024 jyly qurylǵan, ondaǵy maqsat – álemdіk deńgeıdegі kásіbı boksty Qazaqstanǵa qaıtarý. Osyǵan oraı, elіmіzdіńpromoýterlіk kompanııasy 30 jyldan astam tájіrıbesі bar brıtandyq Excelsior Sports Club uıymymen tyǵyz yntymaqtastyq ornatqan. Nomad Promotions Warrior Season 2025 jobasyn іske qosty. Sarapshylardyń pіkіrіnshe, bul bastama Ortalyq Azııa sportynyń damýyna úlken serpіn bermek. Qazaqstandy álemdіk sport arenasyna aınaldyrý úshіn, úsh jyldyq halyqaralyq týrnırler jospary ázіrlengen. Osy mıssııa aıasynda bolashaq chempıondardy daıarlap, olardy joǵary deńgeıdegі jekpe-jekterge shyǵaratyn boks akademııasyn qurýdy kózdelіp otyr.
Avtor: Dına Ǵalymjanqyzy