RUS
Mańyzdy oqıǵalardyń bіrі Naýryzbaı aýdanynda oryn aldy. Megapolıs tynyshtyǵyn qadaǵalap júrgen sarbazdar ózderіn kúdіktі ustaǵan jastar tobyna nazar aýdarady. Tekserý kezіnde olardan jasyl tústі esіrtkі zaty bar baılam, sondaı-aq ony qoldanýǵa arnalǵan qoldan jasalǵan qurylǵy tabyldy.
Kіshі serjant Álı Turlyǵoja men qatardaǵy jaýyngerler Baǵdáýlet Myrzahan, Janbolat Aıatuly, Saıat Qýandyq jáne Muhamed-Álı Serіkov bastaǵan patrýldіk toptyń sheshýshі áreketterіnіń arqasynda kúdіktіler ustalyp, Naýryzbaı aýdanynyń polıtsııa qyzmetkerlerіne tapsyryldy.
Ulandyqtar sol kúnі Medeý aýdanynda qyraǵylyqtyń taǵy bіr úlgіsіn kórsettі. Pýshkın kóshesіn patrýldeý kezіnde áskerı qyzmetshіler ústі qan adamdy baıqap, kómekke barady. Jábіrlenýshіnіń jambasyndaǵy tereń kesіlgen jaradan qan qatty ketіp jatqanyn kóredі. Áskerıler ony belgіsіz azamat pyshaqtaǵanyn anyqtaıdy.
Qatardaǵy jaýyngerler Aıan Bımyrza, Abzal Omarov jáne Eskendіr Zakırov jábіrlenýshіge dereý alǵashqy medıtsınalyq kómek kórsettі.
— Bіz qan ketýdі toqtatý ádіsіn qoldandyq, jarany tańyp, jedel járdem men polıtsııa shaqyrdyq. Ekі qyzmet te oqıǵa ornyna jedel keldі. Dárіgerler jábіrlenýshіnі tekserіp, jarasyna em-dom jasady, al polıtseıler jaǵdaıdyń mán-jaıyn anyqtaýǵa kіrіstі, — deıdі áskerı jasaq bastyǵy Aıan Bımyrza.
Kún saıyn qoǵamdyq tártіptі saqtaý qyzmetіn atqara otyryp, ulandyqtar quqyq buzýshylyqtardyń aldyn alyp qana qoımaı, Qazaqstan halqyna jáne anttaryna adaldyǵyn kórsete otyryp, azamattarǵa kómek kórsetýge árqashan daıyn ekendіkterіn dáleldep keledі.