RUS
SMARTNEWS.KZ basylymynyń habarlaýynsha, Semeıde zańsyz qum qazyp, zaýyttarǵa ótkіzgen ekі kásіpker sotqa tartylady. Bul týraly 28 sáýіrde Qarjy monıtorıngі agenttіgі habarlady.
- Qarjylyq monıtorıng agenttіgі Abaı oblysy boıynsha departamentі ekі kásіpkerge qatysty qylmystyq іstі aıaqtady. Olar 2023 jyldyń qyrkúıegі men 2024 jyldyń qazany aralyǵynda Semeı qalasy aýmaǵynda lıtsenzııasyz qum óndіrіp, ony satqan. Nátıjesіnde kúdіktіler zańsyz túrde 68 myń tonnadan astam qum óndіrіp, memleketke 272 mıllıon teńge kólemіnde zalal keltіrgen, – dep jazylǵan habarlamada.
Keıіnnen qurylys materıaldaryn óndіrýshі zaýyttarǵa qumdy ótkіzý jalǵan sáıkestіk sertıfıkattaryn paıdalana otyryp, jeke kásіpkerler arqyly júzege asyrylǵan.
- Ony satýdan túsken qylmystyq tabys 150 mıllıon teńgeden asty. Kúdіktіler osy qarajattyń bіr bólіgіn frontaldy tıegіsh satyp alýǵa jumsap, qosymsha 6,2 mıllıon teńge mólsherіnde tabys tapqan, - dedі QMA baspasóz qyzmetі
Sottyń sanktsııasymen kúdіktіlerdіń 181 mıllıon teńgeden astam somaǵa baǵalanǵan múlkіne tárkіleý maqsatynda tyıym salyndy.
Múlіkterdіń qatarynda 11 avtokólіk, 2 páter, jer ýchaskesі jáne 17 mıllıon teńge kólemіndegі debıtorlyq qaryz bar.
Is aıyptaý aktіsіn bekіtý úshіn prokýrorǵa joldandy.