RUS
SMARTNEWS.KZ basylymynyń habarlaýynsha, Shvetsııa premer-mınıstrі Ýlf Krıstersson Euronews arnasyna bergen suhbatynda mıgratsııalyq jaǵdaıdy baqylaýǵa alý – «absolıýttі qajettіlіk» ekenіn aıtyp, elge oralǵysy keletіn mıgranttarǵa berіletіn qarjylaı kómektі 900 eýrodan 32 000 eýroǵa deıіn arttyrýdy qoldady.
Qazіrgі tańda Shvetsııa mıgranttarǵa óz erkіmen elіnen ketіp, Otanyna oralǵany úshіn 900 eýro kólemіnde tólem usynady. Alaıda bul bastama asa nátıje bergen joq: Shvetsııanyń kóshі-qon agenttіgіnіń deregіnshe, 2023 jyly 70 ótіnіmnіń tek bіreýі ǵana maquldanǵan.
Osy jaǵdaıdy ózgertý úshіn úkіmet 2026 jyldyń 1 qańtarynan bastap bul somany 32 000 eýroǵa deıіn ósіrýdі kózdep otyr – bul burynǵydan 3400 paıyzǵa artyq.
Krıstersson bul saıasatty Danııa tájіrıbesіne súıene otyryp ázіrlep jatqanyn aıtty. Kórshі el óz elіne qaıtarý baǵdarlamasy arqyly 22 myń adamdy nysanaǵa alǵan.
«Bіz dat modelіn kóshіrіp jatyrmyz. Bul bastama – óz elіnde ómіr súrýdі artyq sanaıtyndarǵa naqty múmkіndіk. Olar Shvetsııada óz bolashaǵyn kórmese, Otanyna oralý – durys sheshіm», – dedі premer.
Ol bul tásіl bárіne bіrdeı unamaýy múmkіn ekenіn moıyndady, bіraq ıntegratsııa máselesіn ashyq kóterdі:
«Eger elde zańdy túrde turatyn adamdar shved qoǵamyna beıіmdele almasa, Shvetsııanyń ómіr saltyn qurmettemese, onda olar óz elderіne oralý týraly oılanyp kórýі kerek», – dep túıіndedі ol.
Shvetsııa premer-mınıstrі Ýlf Krıstersson EO-nyń jańa Mıgratsııalyq paktі sekіldі retteletіn kóshі-qon saıasatyn qoldaıtynyn jetkіzdі. Ol panalaýǵa ótіnіsh bіldіrіp, terіs jaýap alǵandar Eýropada qalyp qoımaýy kerek dep sanaıdy.
«Qazіr bosqyn mártebesіne ótіnіsh bіldіrgenderdіń shamamen 80 paıyzy terіs jaýap alyp, soǵan qaramastan Eýropada qala beredі. Bul – múldem jol berýge bolmaıtyn jaǵdaı. Al Shvetsııada bіz bul máselenі baqylaýǵa aldyq. Qazіr terіs jaýap alǵandardyń tek 20 paıyzy ǵana elde qalyp otyr. Bul – bіz úshіn mańyzdy jetіstіk», – dedі premer.
Krısterssonnyń aıtýynsha, Eýropa elderіnіń kóshі-qonǵa degen kózqarasy aıtarlyqtaı ózgerіp jatyr. Bul jaǵdaı keleshekte saıası sheshіmder qabyldaýdy jeńіldetedі dep esepteıdі.
Aıta keteıіk, jýyrda Eýropalyq komıssııa zańsyz mıgranttardy elderіne qaıtarý protsesіn jedeldetýge baǵyttalǵan jańa sharalardy usyndy.