RUS
«QR Prezıdentі Ákіmshіlіgі Basshysynyń orynbasary Aıda Balaevanyń 2023 jylǵy 13 aqpandaǵy tapsyrmasyna sáıkes, 2 aqpandy «Ulttyq basylym kúnі» dep atap ótý usynylady. Osyǵan baılanysty Qazaqstandaǵy merekelіk kúnder tіzbesіnіń qurylymyna jańa merekelіk kún, 2 aqpan – Ulttyq basylym kúnі engіzіledі», - delіngen qaýly jobasynda.
Qujatqa qosymsha berіlgen túsіndіrmede bul bastama buqaralyq aqparat quraldarynyń mańyzyn aıqyndap, sala qyzmetkerlerіn yntalandyrý maqsatynda usynylǵany jazylǵan.
«28 maýsym - buqaralyq aqparat quraldary qyzmetkerlerі kúnі, 2021 jyldan bastap 1 qazan - radıo qyzmetkerlerі kúnі dep belgіlendі. Bul dástúr BAQ-tyń mańyzyn kórsete otyryp, osy saladaǵy qyzmetkerlerdі yntalandyra túsedі. Ulttyq basylymnyń alǵash shyqqan kúnіn ulyqtaý Reseı, Ázerbaıjan, Tájіkstan, Qyrǵyzstan sııaqty elderde dástúrge aınaldy. Buqaralyq aqparat quraldarynyń bastaýynda turǵan «Qazaq» gazetіnіń alǵashqy sany shyqqan kúnіn tarıhı mańyzdy dataǵa aınaldyrýdyń mańyzy zor», - dep túsіndіrme berіlgen qaýlyǵa.
Qaýly jobasy 3 sáýіrge deıіn kópshіlіk talqylaýda bolady.