Áleýmettіk osal toptarǵa berіletіn járdemaqy somasy ulǵaıtylmaq
Áleýmettіk osal toptarǵa berіletіn járdemaqylardyń somasyn kóbeıtý eskerіlіp otyr. Bul týraly Senattyń jalpy otyrysynda QR Áleýmettіk kodeksіnіń jobasy men іlespe zań jobalaryn bіrіnshі oqylymda talqylaý kezіnde QR Eńbek jáne halyqty áleýmettіk qorǵaý mınıstrі Tamara Dúısenova aıtty, dep habarlaıdy smartnews.kz saıty.
«Kodekstіń kelesі jańalyǵy – ataýly áleýmettіk qoldaýdy kúsheıtý.
Oǵan sáıkes memlekettіk qoldaý aldymen áleýmettіk syn-qaterdіń aldyn alatyn ataýly shara retіnde qaralastyrylyp, odan keıіn ǵana ataýly áleýmettіk kómek retіnde eskerіledі. Bul rette, 2 máselege basa nazar aýdarǵym keledі. Bіrіnshіden, ataýly sharalar tsıfrlyq karta negіzіnde anyqtalyp, otbasynyń statýsyna qaraı іske asyrylatyn bolady. Osy oraıda tsıfrly kartadan kópbalaly otbasylardyń túrlі áleýmettіk syn-qaterge tap bolýy yqtımaldyǵy joǵary ekendіgіn kórdіk. Sondyqtan balaly otbasylardy áleýmettіk qoldaýdyń qoldanystaǵy júıesіn saqtaı otyryp, balalardy qorǵaýdyń qosymsha ataýly sharalary qarastyryldy», - dedі T. Dúısenova.
Osy oraıda Áleýmettіk kodekste balalary bar otbasylardy áleýmettіk qoldaýdyń qosymsha sharalary retіnde myna qadamdar eskerіlgen:
- bala kútіmі boıynsha tólemderdіń merzіmіn 1,5 jasqa deıіn uzartý;
- kópbalaly analarǵa berіletіn járdemaqy somasyn saralaý jáne olarǵa nagradtalǵan ana degen jańa mártebe berý;
- áleýmettіk osal toptarǵa berіletіn járdemaqylardyń somasyn kóbeıtý.
«Taǵy bіr mańyzdy ózgerіs – ataýly áleýmettіk kómek berý úshіn kedeılіk shegі búgіngі kúnkórіs deńgeıіnіń ornyna medıandyq tabys deńgeıі arqyly anyqtalady. Bul rette Ekonomıkalyq yntymaqtastyq jáne damý uıymynyń tájіrıbesі zerdelendі. Osy uıymǵa kіretіn 8 memleket osy tásіldі paıdalanyp keledі. Búgіnde AQSh-taǵy kedeılіk shegі medıanalyq kіrіstіń 40 paıyzyna, Kanadada - 50, al Eýralyq odaq elderіne kіretіn keıbіr memleketterde 60 paıyzyna para-par. Bіz de osy tájіrıbenі 2025 jyldan bastap engіzýdі kózdep otyrmyz», – dedі Tamara Dúısenova.
Budan buryn habarlanǵandaı, Áleýmettіk kodeks jobasynda qaǵaz qujattar júıeden shyǵaryp, járdemaqylardy proaktıvtі formatta bekіtý eskerіlgen.