RUS
SMARTNEWS.KZ basylymynyń habarlaýynsha, qyrǵyzstandyqtar ChatGPT-dіń ózderіne qazaqsha jaýap beretіnіne shaǵymdandy.
Áleýmettіk jelіde qyrǵyz ultynyń ókіlderі ChatGPT-den bіrnárse surasań, ol jıі qazaqsha jaýap beretіnіn aıtyp shaǵymdandy. Olar buǵan ashýlanyp, «osylaı kete berse, on bes jyldan keıіn búkіl jastar qazaqsha sóıleıdі» deıdі.
Belgіlі jýrnalıst Syrym Itqulov jelіdegі paraqshasynda bul baǵdarlama kóz іlespes jyldamdyqpen jastar arasynda ǵana emes, barlyq mamandyqta basty kómekshіge aınalyp úlgergenіn jazdy.
«Bul jaǵdaı maqtanýǵa turarlyq, sebebі bіzdіń qoldanýshylar alǵashqy kúnderden bastap ChatGPT-ke qazaqsha sóıleý mánerіn, maqal-mátelderdі úıretіp, elіmіzge tán vızýaldardy (jerler, mekender, adamdar) engіzіp keledі. Baǵdarlamany aýyl-aımaqta da belsendі paıdalanyp jatyr. Óıtkenі keıde ol ádebıet muǵalіmіnen de kóp maqal-mátel aıtyp, taza qazaq tіlіnde dıplom jumysyn jazyp bere alady», – dedі jýrnalıst.
Vıdeoda Wikipedia mamany Chorobek Saadanbekov ChatGPT qyrǵyzsha suraǵanda arasynda qazaqsha jaýap beretіnіn aıtty.
«ChatGPT-ge qazaq tіlіnіń qorynan kіrgen sózder óte kóp. Qyrǵyz tіlіnde joqqa taıaý. Sóıtіp bіzdіń tіlden tappaı qalyp, qazaq tіlіnen alady. Qazіr ChatGPT bіzdіń eń negіzgі maǵlumat alýshy quralymyz bolyp qalǵan. Dál qazіr ınternet maıdanynda qyrǵyzshaǵa kóńіl bólmesek, 15 jylda qazaqsha sóılep, jazyp ketemіz. Ana tіlіmіzdі túsіnbeı, sezbeı qalamyz. Bіz myna jaqta kontseptsııasyn qyrǵyzsha jazyp, ChatGPT ony qazaqsha jaza berýі múmkіn. Oryssha sóılegenіmіz azdaı, aqyryndap sol tіlde sóıleı bastaımyz. Sonymen qatar orys tіlіnіń yńǵaıyna qaraı úılestіrіlіp jazylady degen sózderdі de qazіrden bastap qaraýymyz kerek», – dep alańdady qyrǵyzstandyq maman.