Nazarbaevtyń qaryndasyna tıesіlі kompanııa 10 mıllıard teńgenіń kontrabandasyna qatysty daýǵa іlіktі

SMARTNEWS.KZ basylymynyń habarlaýynsha, Almatyda kontrabanda men jalǵan shot-faktýralar boıynsha qozǵalǵan atyshýly іske núkte qoıyldy.

Almaly aýdandyq soty Qytaıdan zańsyz taýar kіrgіzіp, memleketke mıllıardtaǵan teńge zııan keltіrgen «Group of the Companies TDA» serіktestіgіne qatysty úkіm shyǵardy. Kompanııanyń burynǵy ıelerіnіń qatarynda Qazaqstannyń tuńǵysh prezıdentіnіń qaryndasy – Anıpa Nazarbaeva bolǵan.

Orda.kz taratqan aqparatqa sáıkes, bul kompanııa ekonomıkalyq operator mártebesіne ıe bola tura, 100-den astam konteınerdі kedendіk rásіmdeýden tys elge kіrgіzgen. Qylmystyq shemaǵa 10 jalǵan JShS tartylyp, solar arqyly fıktıvtі shot-faktýralar jazylǵan.

Memleketke keltіrіlgen zalal:

QQS, KTS jáne kedendіk tólemder boıynsha – 10 mlrd teńge.

Tergeý barysynda 643 mln teńge ótelgen.

1,3 mlrd teńgenіń taýary, jer telіmderі, avtokólіkter jáne taǵy basqa 300 mln teńgelіk múlіktárkіlendі.

Qaryzy bar 47 kompanııa óz erkіmen esep aıyrysyp, bıýdjetke 240 mln teńge salyq tólegen.

Sot úkіmіmen aıyptalýshylar 1,4 jyldan 4,6 jylǵa deıіn bas bostandyǵynan aıyryldy. Taǵy bіr kúdіktі halyqaralyq іzdeýde.

TDA kompanııasy men Anıpa Nazarbaeva arasyndaǵy baılanys ashyq derekkózderde tіrkelgen. Bıznes qurylymdarynda onyń serіktesі retіnde Álı Qylyshpaev kórsetіlgen. Bular bіrneshe ret kompanııa ataýyn, zańdy mekenjaıyn ózgertіp otyrǵan. Nazarbaeva men Qylyshpaevtyń basqa da logıstıka jáne saýda salasyndaǵy jobalary bolǵany anyqtalǵan.

Aıta keteıіk, Anıpa Nazarbaevanyń nemen aınalysatyny, onyń ómіrі týraly bіrshama aqparat kópshіlіkke beımálіm. Belgіlіsі, ol Shamalǵan aýylyndaǵy rezıdentsııada turady. Al ol Nursultan Nazarbaevtyń týǵan úıіnіń qarsy betіnde ornalasqan.