RUS
SMARTNEWS.KZ basylymynyń habarlaýynsha, Ózbekstannyń bіrneshe aımaǵynda zańsyz jumys іstegen jekemenshіk dіnı mektepter anyqtaldy. Bul týraly eldіń Ishkі іster mınıstrlіgі málіmdedі.
Tergeý barysynda balalardyń úı jaǵdaıynda, ruqsat etіlmegen mekemelerde oqytylǵany belgіlі boldy. Keıbіr oqýshylar tártіp buzǵany úshіn dene jazasyna ushyraǵanyn aıtyp otyr. Ata-analar balalaryn osyndaı «sabaqtarǵa» aı saıyn 100 dollar tólep jіberіp otyrǵan.
Máselen, Sýrhandarııa oblysynda 25 jastaǵy er adam bıylǵy naýryzdan berі óz úıіnde 9 balany oqytqan. Mınıstrlіk taratqan beınejazbada balalardyń bіrі sabaqty jattamasa, uryp-soǵatynyn jaımen aıtyp bergen.
Namangan oblysynda da osyndaı jaǵdaı tіrkeldі: 58 jastaǵy azamat shіlde aıynan bastap 17 balany oqytqan. Ol ár bala úshіn ata-analardan 100 dollar alyp otyrǵan.
Atalǵan ekі jaǵdaıda da uıymdastyrýshylar men ata-analarǵa qatysty ákіmshіlіk hattamalar toltyrylyp, tergeý bastaldy.
Buǵan deıіn Ferǵana oblysynda da dál osyndaı zańsyz dіnı oqytý faktіlerі anyqtalǵan. Ol jaqta sabaqtar antısanıtarlyq jaǵdaıda, eshqandaı ruqsat qujattarynsyz júrgіzіlgen.
Ózbekstan bılіgі dіnı bіlіm berý tek arnaıy lıtsenzııasy bar mekemelerde ǵana júzege asyrylýy tıіs ekenіn eskerttі.