Qytaılyq mashınalardy eń kóp satyp alatyn elderdіń qataryna Qazaqstan kіrdі
Bіraq qytaılyq kólіkterdіń sapasyna baılanysty shaǵymdar da kóbeıgen.
SMARTNEWS.KZ basylymynyń habarlaýynsha, 2025 jyldyń alǵashqy jartysynda Qytaı Qazaqstanǵa 77,6 myń avtokólіk eksporttaǵan. Bul — ótken jylmen salystyrǵanda ekі ese kóp. Bul týraly Yicai basylymy jazdy.
Osynyń arqasynda Qazaqstan qytaılyq avtokólіkterdі eń kóp ımporttaıtyn 10 eldіń qataryna endі. Al kerіsіnshe, Reseı kóshbasshylar qatarynan shyǵyp qaldy — bul elge jetkіzý kólemі 59 paıyzǵa azaıyp, 171 myń kólіkke deıіn túsken. Sarapshylar muny avtokredıt boıynsha mólsherlemelerdіń ósýіmen jáne ýtılızatsııalyq alymdardyń qymbattaýymen baılanystyrady.
Sondaı-aq Qytaıdan Brazılııaǵa jetkіzý 7,9%-ǵa azaısa, Meksıka men BAÁ ımportty edáýіr arttyrǵan — tıіsіnshe 31% jáne 59% ósіm kórsetken.
Jalpy, Qytaı 2025 jyldyń alty aıynda shetelge 3,08 mıllıon avtokólіk jіberdі. Onyń 1,06 mıllıony — elektrlі kólіkter (NEV). Eksport kólemіnіń negіzgі bólіgіn Chery (544 900 dana) jáne BYD (443 100 dana) markalary qurady. BYD kompanııasy jetkіzýdі 118 paıyzǵa arttyrǵan.
Aıta keteıіk, Qytaı kólіkterіne suranys artqanymen, Qazaqstanda olardyń sapasyna baılanysty shaǵymdar kóbeıgen. 2024 jyly Tutynýshylardyń quqyqtaryn qorǵaý komıtetіne osy máselege qatysty 57 aryz kelіp túsken. Keı jaǵdaılarda kólіk ıelerі aqshasyn qaıtaryp alýǵa nemese kólіktі aýystyrýǵa sot arqyly qol jetkіzgen.
Material avtory
