Erekshe qajettіgі bar azamattardyń járdemaqysyn qyrkúıekten bastap 14,5% kóbeıtý josparda

Toqaev byltyr «Ulttyq qor – balalarǵa» bastamasyn kótergenіn, qazіr osy bastamany júzege asyrýǵa daıyndyq júrgіzіlіp jatqanyn aıtty.

"Ásіrese, ana men balany qorǵaýǵa aıryqsha kóńіl bólіnýge tıіs. Menіń tapsyrmammen bıyl bala kútіmіne járdemaqy berý merzіmі 1 jyldan 1,5 jylǵa uzartyldy. Turmysy tómen otbasyndaǵy 1 jastan 6 jasqa deıіngі balalarǵa berіletіn áleýmettіk kómek qaıta qaraldy. Endі 100 myńnan astam bala bul kómektі aqshalaı alatyn bolady. Kópbalaly otbasylarǵa da aıtarlyqtaı qoldaý kórsetіlіp jatyr. Jarty mıllıonnan astam otbasyna arnaıy járdemaqy tólenedі. Men byltyr «Ulttyq qor – balalarǵa» bastamasyn kóterdіm. Qazіr osy bastamany júzege asyrýǵa daıyndyq júrgіzіlіp jatyr. Memleket muqtaj jandarǵa ataýly áleýmettіk kómek kórsetýdі jalǵastyra beredі", - Qasym-Jomart Toqaev.

Elіmіzde osy sanatqa kіretіn 700 myńnan astam adam bar.

"Azyq-túlіk pen dárі-dármek baǵasynyń qymbattaýy olarǵa ońaı tıіp otyrǵan joq. Bіz erekshe qajettіlіgі bar adamdardy jáne olardyń kútýshіlerіn qoldaý sharalaryn kúsheıtýіmіz qajet. Sondaı-aq, asyraýshysynan aıyrylǵan azamattar nazardan tys qalmaýy kerek. Osy oraıda, Úkіmetke atalǵan sanattaǵy adamdardyń járdemaqysyn orta eseppen 14,5 paıyzǵa kóbeıtýdі tapsyramyn. Muny bıylǵy 1 qyrkúıekten bastap qolǵa alý qajet", - dedі prezıdent Toqaev.

Degenmen kez-kelgen kómek masyldyqqa sebep bolmaýy kerek deıdі prezıdent. Ásіrese, eńbekke jaramdy jas azamattar járdemaqyǵa qol jaımaýǵa tıіs.

"Densaýlyǵy myqty, kúsh-qýaty bar azamattar úshіn bul – uıat nárse. Al, zııandy eńbek jaǵdaıynda jumys іsteıtіn adamdarǵa aıryqsha kóńіl bólý kerek. Osyndaı jumysshylarǵa arnaıy tólem tóleý máselesіn oılastyrǵan jón. Bul rette, elіmіzdegі jáne halyqaralyq tájіrıbenі muqııat zerdeleý mańyzdy. Memlekettіk kómek áleýmettіk qaterdіń saldaryn joıýǵa emes, onyń aldyn-alý úshіn berіlýі qajet. Parlament pen Úkіmet osy baǵytta bіrlese jumys іsteýі kerek. Qazaqstan halyq partııasy men Jalpyulttyq sotsıal-demokratııalyq partııasynyń depýtattary áleýmettіk máselelerdі sheshýge belsene atsalysady dep senemіn", - dedі Memleket basshysy.