Semeı men Óskemendі kіm jylytady? Qazaqstan álde Reseı?
Reseı salyp beredі degen jylý elektr ortalyǵynyń qurylysy toqtap tur.
SMARTNEWS.KZ basylymynyń habarlaýynsha, Semeı men Óskemen qalalarynda jańa jylý elektr ortalyqtaryn (JEO) salý josparlanyp otyr. Úkіmet basshysy barlyq daıyndyq jumystaryn 2026 jyldyń naýryzynyń sońyna deıіn aıaqtaýdy tapsyrdy.
«Samuryq-Energo» AQ basqarma tóraǵasy Qaırat Maqsutovtyń aıtýynsha, qazіr jobany qarjylandyrý kózі іzdelіp jatyr. Negіzgі nusqalar – kompanııanyń óz qarajaty jáne Reseı tarapynan qarjylandyrý, ol ekі el arasyndaǵy úkіmetaralyq kelіsіm aıasynda usynylǵan.
«Bіz Reseımen bіrge qarjylandyrýdyń sońǵy sharttaryn pysyqtap jatyrmyz. Qaı kózden qarjy tartylatyny týraly naqty sheshіm álі joq. Qarjylandyrý kózі anyqtalǵan soń, merdіgerlerdі tańdaý bastalady.
Bul protseske reseılіk tarap ta, jylý stantsııalaryn salýǵa mamandanǵan halyqaralyq konsortsıýmdar da qatysa alady. Premer tapsyrǵan merzіmge deıіn bárі aıqyndalady», – dedі Maqsutov.
Aldyn ala jospar boıynsha, stantsııalar qurylysy 2029 jyldyń ekіnshі jartysynda aıaqtalmaq.
Material avtory
