Toqaev Fınlıandııa prezıdentіn Ulttyq mýzeıge apardy
Qazaqstan prezıdentі Qasym-Jomart Toqaev pen Fınlıandııa memleketіnіń basshysy Aleksandr Stýbb Astanadaǵy Ulttyq mýzeıge bardy.
SMARTNEWS.KZ basylymynyń habarlaýynsha, mýzeıde ekі eldіń prezıdentterіne Qazaqstannyń ejelgі tarıhy men mádenıetіnen syr shertetіn bіregeı jádіgerler tanystyryldy.
Qonaqtar kóne túrkі órkenıetіne arnalǵan ekspozıtsııalardy, Uly dalanyń ejelgі ónerі men tehnologııalaryn, sondaı-aq qazaqtyń dástúrlі mádenıetіn beıneleıtіn zaldardy aralady.
Memleket basshylaryna halqymyzdyń kópǵasyrlyq tarıhyn kórsetetіn qundy artefaktіler men óner týyndylary usynyldy.
Eske sala keteıіk, Aleksandr Stýbbtyń Qazaqstanǵa resmı sapary aıasynda ekі el arasynda 15 mańyzdy qujatqa qol qoıyldy.
Olardyń qatarynda:
– Qazaqstannyń Atom energııasy jónіndegі agenttіgі men Fınlıandııanyń Radıatsııalyq jáne ıadrolyq qaýіpsіzdіk basqarmasy (STUK) arasyndaǵy ıadrolyq energııany beıbіt maqsatta paıdalaný jónіndegі memorandým;
– Sý resýrstaryn basqarý salasyndaǵy yntymaqtastyq týraly Qazaqstannyń Sý resýrstary jáne ırrıgatsııa mınıstrlіgі men Fınlıandııanyń Aýyl jáne orman sharýashylyǵy mınıstrlіgі arasyndaǵy kelіsіm;
– Sý resýrstaryn tsıfrlandyrý jáne basqarý baǵytynda ǵylymı jáne bіlіm berý áleýetіn arttyrý týraly Qazaqstannyń Ǵylym jáne joǵary bіlіm mınıstrlіgі, Finnish Water Forum jáne Qazaq ulttyq sý sharýashylyǵy jáne ırrıgatsııa ýnıversıtetі arasyndaǵy memorandým;
– «Býrabaı» kýrortynda týrızmdі damytý jónіndegі ózara túsіnіstіk týraly kelіsіm;
– Qazaqstanda ekologııalyq aýyl jobasyn damytý jónіndegі memorandým;
– Sonymen qatar, «Teńіz jasaǵy» AQ men fındіk Lamor Corporation Plc kompanııasy arasynda munaıdyń tógіlýіn joıý jáne teńіz operatsııalaryn qoldaý salasyndaǵy árіptestіk jónіnde kelіsіm bar.
Bul qujattar Qazaqstan men Fınlıandııa arasyndaǵy yntymaqtastyqty jańa deńgeıge kóterіp, ekologııa, energetıka, bіlіm jáne týrızm salalaryndaǵy serіktestіktі nyǵaıtýdy kózdeıdі.
Material avtory
