ChatGPT endі qazaqstandyq stýdentter men oqýshylarǵa sabaq beredі – Toqaev

SMARTNEWS.KZ basylymynyń habarlaýynsha, Qazaqstan jasandy ıntellektіnі naqty ómіrge engіze bastady. Endі ChatGPT negіzіndegі bіlіm berý jobasy іske qosylady. Bul týraly Prezıdent Qasym-Jomart Toqaev málіmdedі.

Memleket basshysy atap ótkendeı, bіlіm men ǵylymǵa salynǵan ınvestıtsııa – eldіń jarqyn bolashaǵyna salynǵan uzaq merzіmdі qadam. Onyń aıtýynsha, aldaǵy jyldary Qazaqstan ekonomıkany jańǵyrtyp, jańa óndіrіs sektorlaryn damytýdy, al eń bastysy – jasandy ıntellektіnі barlyq salaǵa engіzýdі maqsat etіp otyr.

«Qazaqstan tehnologııasy ozyq el bolýǵa nyq qadam basty. Bul – bіzdіń jańa ulttyq bolmysymyzdyń mańyzdy bólіgі. 2030 jylǵa qaraı jasandy ıntellekt álemdіk IJÓ kólemіn 15 trıllıon dollardan asa arttyrady dep boljanyp otyr. Bіraq eń kóp paıdany qaı el alady? Bіz osy suraqqa naqty jaýap іzdeýіmіz kerek», – dedі Prezıdent.

Toqaevtyń aıtýynsha, Qazaqstanda JI mamandaryn daıarlaý jáne bul tehnologııany túrlі salamen ıntegratsııalaý – strategııalyq basymdyq. Osy maqsatta jyl basynda іske qosylǵan AI Sana baǵdarlamasy boıynsha 540 myńnan astam stýdent oqýdan ótken. Endі jasandy ıntellekt kýrstary barlyq mektep pen ýnıversıtet baǵdarlamasyna mіndettі túrde engіzіlmek.

Sonymen qatar elde Jasandy ıntellekt ýnıversıtetіn ashý úshіn daıyndyq júrіp jatyr.

Prezıdent qyrkúıekte AQSh-qa jasaǵan sapary kezіnde OpenAI kompanııasymen ózara serіktestіk ornatylǵanyn eske saldy.

«Nátıjesіnde Qazaqstan ChatGPT negіzіnde bіlіm berý quraldaryn engіzý jónіndegі pılottyq jobany júzege asyra bastady. Bul – otandyq bіlіm júıesіnіń tsıfrlyq transformatsııasynyń basy», – dedі Qasym-Jomart Toqaev.