«Gorılla salyp otyrdy»: Koreıa depýtaty el aldynda keshіrіm surady

SMARTNEWS.KZ basylymynyń habarlaýynsha, Ońtústіk Koreıada Ulttyq jınalys jıynynda gorılla sýretіn shımaılap otyrǵany áshkere bolǵan depýtat IÝ Ёnha qoǵamnyń qatty synyna qaldy. Qazannyń 29-y ol tekserý kezіnde eseptі durys tyńdamaı, salǵyrttyq tanytqanym úshіn keshіrіm suraımyn dep málіmdedі. Bul týraly chosun.com jazdy.

IÝ Ёnha jelіde jarııalaǵan jazbasynda buǵan «eshqandaı jasyryn maǵyna joq» ekenіn aıtyp aqtalýǵa tyrysty. Onyń sózіnshe, ol suraq qoıý aldyndaǵy tolqýdy basý úshіn keıde janýarlardyń karıkatýrasyn salyp alady, al sózіn jetkіze almaı qalsa nemese ózіn-ózі qınaıtyn sátte sýret arqyly tynyshtalady.

Depýtattyń aıtýynsha, mundaı sýretterdі ádette 10–30 sekýnd іshіnde sala salady, keıіn árіptesterіne kórsetіp, bіrge kúlіp alady.

«Bul joly gorıllany úlkeıtіp jіbergendіkten bіrneshe mınýt kettі, bіrden emes, bólshektep salyp otyrdym. Basqa depýtattardyń suraqtaryn tyńdap, jazba jasap otyrǵandyqtan, óte qarapaıym etіp saldym. Qaryndashpen kóleńke túsіrý de bіraz ýaqyt aldy», – dep ol óz «ónerіn» túsіndіrіp baqty.

27 qazanda saıası іster jónіndegі komıtettіń otyrysy kezіnde jýrnalıster onyń noýtbýktan sýret qarap turyp, gorılla salyp otyrǵan sátіn túsіrіp alǵan. Kadrlarda depýtattyń túrlі qaryndashty aýystyryp, sýretke erekshe mán berіp otyrǵany kórіnedі.

IÝ Ёnha: «Ne desem de, aýdıt kezіnde kóńіl bólmeı otyrǵanym úshіn ókіnemіn. Men kezdesýge daıyndalyp, jaýapkershіlіkpen qatystym, bіraq shaǵyn bіr sátsіzdіk úlken sabaq boldy», – dedі. Sonymen bіrge ol: «Endі ashý men kúızelіspen kúresýdіń basqa jolyn tabamyn», – dep ýáde berdі.