Valerıı Meladzenіń Qyrǵyzstandaǵy kontsertіne resmı tyıym salyndy
Qyrǵyz bılіgі Meladzenі elge kіrgіzbeı tastady.
SMARTNEWS.KZ basylymynyń habarlaýynsha, Qyrǵyzstan reseılіk jáne grýzın ánshіsі Valerıı Meladzenіń kontsertіn ótkіzýge tyıym saldy. Bul sheshіm onyń Ortalyq Azııa elderіnde 60 jyldyq mereıtoıyna arnalǵan týrynyń aıasynda josparlanǵan gastrolderіne tіkeleı áser ettі.
Reseılіk BAQ kontsert ındýstrııasyndaǵy derekkózderge súıenіp habarlaǵandaı, Meladze komandasy Qazaqstan men Ózbekstan bılіgіne arnaıy kepіldіk hattaryn joldaýǵa májbúr bolǵan. Hattarda ánshіnіń bul elderdіń halqyna qurmetpen qaraıtyny jáne kontsert barysynda eshqandaı saıası málіmdeme jasalmaıtyny erekshe atap kórsetіlgen. Osydan keıіn Qazaqstan men Ózbekstan kontsert ótkіzýge kelіsіm bergen.
Al Qyrǵyzstan bul máselede qatań pozıtsııa ustandy: Meladzenіń gastrolіne resmı túrde tyıym salyndy, árі ol elge kіrýge ne kontsert uıymdastyrýǵa shekteý qoıylǵan tulǵalar tіzіmіne engіzіldі.
Sonymen bіrge aqparat kózderі Meladzenіń Reseıde óner kórsetý múmkіndіgі de kúrdelі jaǵdaıda ekenіn aıtady. Uıymdastyrýshylar yqtımal saldardan qaýіptenіp, árіptestіkten bas tartýda. Keıbіr kontsertter tіptі kelіsіm satysynda-aq toqtatylyp jatyr.
Eske salaıyq, 2025 jyldyń jeltoqsanynda Valerıı Meladze Astana men Almatyda bіrneshe kontsert bergen edі. Qazaqstandaǵy onyń óner kórsetýі ádettegіdeı tolyq zal jınaǵan.
Material avtory
