RUS
Ekі oıynnyń bіrіnde Taldyqorǵannyń «Jetіsýy» óz alańynda Qyzylordanyń «Qaısaryn» qabyldady.
Kezdesý barysynda komandalar alǵashqy mınýttan gol soǵatyn múmkіndіktі іzdedі. Degenmen olar dіttegen maqsatyna jete almaı jatty. Oıynnyń 45-mınýtynda «Jetіsý» qaqpasyna belgіlengen penaltıden «Qaısar» oıynshysy Dmıtrıı Borodın múlt ketken joq.
Ekіnshі kezeńde alań ıelerі eseptі teńestіrýge umtyldy. Esesіne óz qaqpasy mańynda taǵy da tártіp buzyp, 79-mınýtta penaltı belgіlendі. Bul joly da Dmıtrıı Borodın qaqpa toryn týlatty.
Osylaısha «Qaısar» qarsylasynan 2:0 esebіmen basym tústі. Nátıjesіnde qatarynan úshіnshі márte jeńіske jetіp, týrnır kestesіnde besіnshі orynǵa kóterіldі.
Taǵy bіr kezdesýde Qaraǵandynyń «Shahterі» óz alańynda Túrkіstan oblysynyń «Maqtaralymen» sheberlіk baıqasty. Qaraǵandylyq klýb bіrde-bіr márte jeńіske jete almaı, nebárі bіr upaıdy qanaǵat tutty. Al «Maqtaral» bіr jeńіspen týrnır kestesіnde tómengі orynda turdy.
Kezdesý barysynda «Shahter» sapynan IÝrıı Pertsýh 30, Ivan Svırıdov 37, Egor Alıshaýskas 41-mınýttarda mergendіk tanytty.
Qaraǵandylyq klýb qarsylasyn 3:0 esebіmen jeńіp, bіrіnshіlіktegі alǵashqy jeńіsіne qol jetkіzdі.