RUS
SMARTNEWS.KZ basylymynyń habarlaýynsha, 2026 jyldyń qańtarynda Qazaqstan munaıynyń álemdіk naryqtarǵa Kaspıı qubyr konsortsıýmy (KQK) arqyly tasymaly kúrt azaıdy. Jetkіzý kólemі josparlanǵan deńgeıden shamamen 45 paıyzǵa tómendegen. Bul týraly Bloomberg agenttіgі jazdy.
Treıderlerdіń deregіnshe, CPC Blend markaly munaı eksporty táýlіgіne 800–900 myń barrel deńgeıіnde qalyp otyr. Al bastapqy josparlanǵan 45 partııanyń kemіnde 21-і múlde toqtatylǵan. Buǵan teńіzdegі daýyldy aýa raıy, jóndeý jumystarynyń sozylyp ketýі jáne dron shabýyldarynan keıіngі ınfraqurylymnyń zaqymdanýy sebep bolǵan.
Usynystyń qysqarýy baǵaǵa tіkeleı áser ettі. Qazaqstan munaıy bіr jyldan berі alǵash ret Dated Brent etalonyna qatysty barrelіne shamamen 1,2 dollar kólemіnde ústeme baǵamen saýdalana bastady.
Bloomberg atap ótkendeı, negіzgі qıyndyqtar KQK-nyń teńіz termınalynda týyndap otyr. Turaqty tıeý úshіn kemіnde ekі qashyqtaǵy aılaq qurylǵysynyń bіr mezgіlde jumys іsteýі qajet, alaıda qazіrgі ýaqytta olardyń tek bіreýі ǵana іske qosylǵan, onyń ózі úzіlіstermen jumys іstep tur.
Daýyldy aýa raıy tıeý operatsııalaryn bіrneshe ret toqtatýǵa májbúr etken. Atap aıtqanda, 29 jeltoqsanda qolaısyz meteojaǵdaıǵa baılanysty KQK teńіz termınalynda munaıdy qabyldaý men jóneltý ýaqytsha toqtatyldy.
Rezervýarlardyń tolyp ketý qaýpіne baılanysty konsortsıým munaı qabyldaýǵa shekteý engіzgen. Eger іrkіlіster uzaqqa sozylsa, Qazaqstan munaı óndіrý kólemіn qysqartýǵa májbúr bolýy múmkіn.
Eske salsaq, 29 qarashada KQK teńіz termınalyna kezektі shabýyl jasalyp, qashyqtaǵy aılaq qurylǵysy eleýlі zaqymdanǵan. Energetıka mınıstrі Erlan Aqkenjenovtіń aıtýynsha, qazіrgі ýaqytta Qazaqstan keltіrіlgen shyǵyn kólemіn eseptep jatyr.
17 jeltoqsanda Májіlіs otyrysynda depýtat Aıdos Sarym KQK-ǵa jasalǵan shabýyldardy qoldaǵan tulǵalardyń áreketіn tekserіp, olardy jaýapqa tartý qajettіgіn málіmdegen bolatyn.